web counter
LEXO PA REKLAMA!

SHKARKO APP

App Store
Google Play

E fundit!

x

“Lumë sharjesh, etiketimesh, deri në mallkime”/ Boçi fton qytetarët në protestën e 6 dhjetorit

24 Nëntor 2022, 08:40, Politikë CNA

“Lumë sharjesh, etiketimesh, deri në mallkime”/

Deputeti i PD-së, Luçiano Boçi, u ka bërë ftesë qytetarëve që të marrin pjesë në protestën e 6 dhjetorit.

Sipas tij, nga dita që Partia Demokratike shpalli datën e saj të protestës së radhës, një lumë sharjesh, etiketimesh deri në mallkime ka pasur ndaj përfaqësuesve të PD-së, nga ata që s'kanë asnjë lidhje me Europën.

“Dy fjalë dhe një ftesë për të qenë jo vetëm shqiptarë, por edhe europianë në të njëjtën ditë.

Nga dita që Partia Demokratike shpalli datën e saj të protestës së rradhës, një lumë sharjesh, etiketimesh deri në mallkime ka pasur ndaj përfaqsuesve të PD, nga ata që skanë asnjë lidhje me Europën.

 Nga ata që e kanë mbajtur aq larg europën nga qytetarët e këtij vendi përmes keqqeverisjes së tyre, sa mbase s'do ta kishte berë edhe antishqiptari më i keq!

Me siguri, nëse do t'i lexonin marrëzitë që shkruajnë qeveritarët tanë, miqtë europianë që do të vijnë në Tiranë në 6 dhjetor,  do të qeshnin pa pushim! Në fakt ato që ata shkruajnë prej ditësh janë tragji-komike! Sepse pas Europës, ata fshehin djallin brenda tyre. Fshehin dëshirën për të përsëritur historinë e etërve politikë për të zhdukur opozitën!

Unë si qytetar, si demokrat, si njeri që e dua Europën, i them qytetarëve të mi, shqiptarëve europianë, të mos kenë droje, të jenë në tubimin paqësor të opozitës në 6 dhjetor ora 12:00.

Mirëpresim Europën si europianë.

Refuzojmë antishqiptarin që me ngulm insiston në projektin e tij për të zhdukur opozitën dhe për të zhytyr çdo zë kundërshtues!”, ka shkruar ai në rrjete sociale./CNA.al





Lajmet e fundit nga