LEXO PA REKLAMA!

SHKARKO APP

E fundit!

x

“I pirë shumicën e kohës, është bërë gazi i botës"/ Veliaj: Meta, tranzit në Tiranë

23 Nëntor 2022, 15:02, Politikë CNA

“I pirë shumicën e kohës, është bërë

Kryetari i Bashkisë së Tiranës, Erion Veliaj, i është rikthyer sërish Ilir Metës, kreut të PL-së.

Sipas tij kandidatët e Ilir Metës për zgjedhjet e 14 majit janë miniaturë e tij dhe që mundohen t'i ngjajnë atij që është i pirë shumicën e kohës.

Në një intervistë për "Report TV", Veliaj tha se Partia e Lekut, kanë aq shumë para, saqë nuk shohin faturat, por dalin dhe akuzojnë për çmime të larta.

“Punët në Tiranë nuk bëhen vetëm nga kryetarët e bashkisve, por edhe këshilltarët. Po dëgjoja sot kandidatët e Ilir Metës, janë miniaturë e atij. Edhe ata po mundohen t’i ngjajnë atij që është i pirë shumicën e kohës, bën 'selfie', është bërë gazi i botës. Edhe ai kërkon të çmendurit e rinj. Këta Partia e Lekut kanë shumë para sa nuk i shohin fare faturat. Nuk i dinë sa janë çmimet, nuk e dinë që uji në Tiranë është më i lirë në Kamzë”, ka thënë Veliaj.

Sipas tij, arsyeja pse përgjysmohen në çdo palë zgjedhje është se s’kanë lidhje me realitetin.

“Të dy, edhe Meta edhe Berisha zgjohen në Gjirin e Lalzit dhe nuk e dinë se Tirana ka ndryshuar. Ata nuk kanë lidhje, janë tranzit në Tiranë. Nëse Shqipëria është kaq keq, pse nuk ikin këta. Këtu opozita jeton më mirë se kudo. Këta janë njerëzit më të llastuar, pacientët e trajtuar më mirë”, tha Veliaj./CNA.al

Lajmet e fundit nga