LEXO PA REKLAMA!

SHKARKO APP

Gara në “Primare”/ Zbulohet emri që synon Bashkinë e Beratit

23 Nëntor 2022, 11:13, Politikë CNA
Gara në “Primare”/ Zbulohet emri që synon Bashkinë e
Kejdi Spahiu, kandidate

Kejdi Spahiu është emri i radhës që do të bëhet pjesë e garës së Primareve në PD, për Bashkinë e Beratit.

Përmes një deklarate për mediat, Kejdi Spahiu është shprehur se do të marrë pjesë në garë për të ndryshuar gjendjen në të cilën ndodhet vendi.

“Quhem Kejdi Spahiu 23 vjeçe dhe kandidoj për primaret e Partisë Demokratike për Bashkinë e Beratit.

Si e re shqiptare ndiej dhimbje kur e shikoj vendin tim në këtë gjendje.

Ndryshimi duhet filluar diku, nga vetja apo nga qyteti yt. Vendimin për t’u futur në primare e konsideroj si pjesë të përpjekjes për të ndyshuar gjendjen ku vendi ynë ndodhet. 

Mendoj se ka ardhur koha jo vetëm e përgjigjeve boshe, por e veprave.

Prandaj vendosa të marr përsipër këtë detyrë dhe me fjalën detyrë nënkuptoj atë ndaj ndaj qytetarëve beratas.

I dimë plagët e Beratit: papunësia, largimi drejt kryeqyteti e sidomos vendeve të huaja dhe lufta e përditshme për të siguruar të nesërmen për veten dhe familjen.

Unë e dua qytetin tim, këtu linda dhe u rrita dhe këtu dua të jap gjithë kontributin tim.

Problematikat në qytetin e Beratit janë të shumta duke filluar nga arsimi që është baza e zhvillimit, duke e vazhduar me lagje si Vakëfi apo 28 nëntori të cilat i përkasin një Berati të lënë 100 vite mbrapa dhe rrugët në gjendje të mjerueshme.

Shëndetësia është një tjetër shqetësim i madh: mungesa e mjekëve detyron çdo qytetar të drejtohet në spitalet private.

Dhe më kryesori, për një qytet si Berati, është turizmi. E vetmja gjë e kohës sonë është Pedonalja, ndërsa 100 metra më larg kalon në mesjetë.

Me shpresën te fitorja dhe besimin në Zot, sot e ndiej të nevojshme të kërkoj mbështetjen e të gjithë qytetarëve të Beratit të ecim përpara së bashku, dhe duke bashkuar forcat ne do të jemi të pathyeshëm”, është shprehur Kejdi Spahiu./ CNA.al

Lajmet e fundit nga