web counter
LEXO PA REKLAMA!

SHKARKO APP

App Store
Google Play

E fundit!

x

Berisha ‘shpërthen’ në akuza/ “Rama i përmbyti qytetarët”

23 Nëntor 2022, 13:52, Politikë CNA
Berisha ‘shpërthen’ në akuza/ “Rama i përmbyti
Kreu i PD-së, Sali Berisha

Kreu i PD-së, Sali Berisha, ka shpërthyer në akuza ndaj kryeministrit Edi Rama teksa në një deklaratë për mediat ka folur për përmbytjet.

Berisha është shprehur se është Rama ai që i ka përmbytur njerëzit ndërsa thekson se hapja e portave ka qenë aq e fortë saqë sipas tij ka ka ngritur me themel urën e Bahçallëkut.

“Akti i tyre është kriminal dhe i papërgjegjshëm, sepse ligji i detyron që në çdo vendim që marrin për hapjen e portave, duhet të njoftojë autoritetet vendore. Dhe autoritetet vendore marrin masa që të njoftojnë popullatën.

Kjo nuk ka ndodhur. Kanë hapur dy tunelet e Komanit, portat e Komanit dhe të gjitha tunelet, portat e Vaut të Dejës.

Kaq i madh, kaq i fuqishëm ka qenë vërshimi, saqë ka ngritur me themel urën e Bahçallëkut. Ka marrë bazamentin e ujit. Gjysma e urës është zhdukur.

Nuk kishin parë ndonjëherë banorët dhe njeriu që i përmbyti ata, ka dy ditë që i gënjen në mënyrë të turpshme, në vend që të kërkojë ndjesë dhe të shkarkojë të gjithë zinxhirin përgjegjës për përmbytjet.

Rama bën gjithçka që të mos dëmshpërblejë, por ne do t'i çojmë përpara ligjit. E përgëzoj zotin Spahiu për padinë.

Nuk shkonte dot në Shkodër, por shkonte në Sukth për të përgëzuar Sakon për ballon e saj. Në kulmin e përmbytjeve, Sako bënte ballo për kryeministrin te Kodra e Kuajve.

E përgëzoj Mit’hat Hazbiun për atë që i tha kryeministrit. Ky u soll me tërbim dhe përfundoi në spital ai. I bërtiste qytetarit: Burg, burg, burg.

Ndaj amendamenti është shumë i rëndësishëm, që të krijohet fondi rezervë. Se ligji e thotë që ai që përmbyt, ai të paguan”, shprehet Berisha./ CNA.al





Lajmet e fundit nga