web counter
LEXO PA REKLAMA!

SHKARKO APP

App Store
Google Play

E fundit!

x

Mblidhet Kryesia e PD-së/ Berisha zbulon dy çështjet madhore që do të diskutohen

23 Nëntor 2022, 17:34, Politikë CNA
Mblidhet Kryesia e PD-së/ Berisha zbulon dy çështjet madhore
Kryetari i Partisë Demokratike, Sali Berisha

Kryetari i Partisë Demokratike, Sali Berisha, në mbledhje me Kryesinë ka deklaruar se Primaret janë pasaporta e hapjes dhe ndryshimit thelbësor të PD-së.

Gjithashtu ka zbuluar se në këtë mbledhje do të diskutohen dy çështje madhore.

1-Miratimin në vazhdim të kandidaturave për primare në bashkitë e mbetura dhe 2- diskutim për aksionin opozitar në tërësi.

“Primaret janë tashmë pasaporta e hapjes dhe ndryshimit thelbësor të PD

Kjo mbledhje ka dy çështje madhore. Miratimin në vazhdim të kandidaturave për primare në bashkitë e mbetura dhe do të diskutojë rreth aksionit opozitar në tërësi.

Primaret janë bërë tashmë pasaporta e hapjes dhe ndryshimit thelbësor, palcor të PD-së.

Ato kanë krijuar një impakt shumë pozitiv tek anëtarët dhe simpatizantët tanë, por në përgjithësi tek të gjithë shqiptarët që besojnë tek vota e lirë, dhe respekti tek individi.

Shqiptarët kanë nevojë jetike për ndryshimin e PD-së, si parti e shpresës, besimit dhe të ardhmes. Ndryshimi natyrisht realizohet vetëm me vepra, me hapa konkretë.

Në këtë kontekst ne pas ndryshimeve të thella dhe një cikli të paprecedentë votash brenda në parti, pas miratimit të rregullave, kushtetutës tonë partiake, zgjedhjeve me primare të kryetarëve të degëve, ne tashmë kalojmë në zgjedhjen nga anëtarët dhe simpatizantët tanë të qeveritarëve vendorë.

Kjo përbën padiskutim ndryshimin më të madh të kësaj force politike në këto 30 vite. Por kjo përbën njëkohësisht edhe hapjen e saj institucionale me të madhe në tërë ekzistencën e saj.

Hapja është shumëformëshe, por primaret janë forma më institucionale, më e rëndësishme e kësaj hapje.

Sot ne kemi mbi 200 e ca kandidatura të cilat vijnë nga PD, shoqëria civile, bota akademike, por edhe nga diaspora dhe emigracioni”, ka thënë Berisha./ CNA.al





Lajmet e fundit nga