E fundit!

22:41 Aktualitet

Eric Wendt një hap larg emërimi/ Komiteti i Senatit voton pro gjeneralit si ambasador

Komiteti për Marrëdhëniet me Jashtë i Senatit amerikan ka ...

“Nuk do të lejojmë ndërtimin e Portit të Durrësit”/ Berisha kërcënon ndërtuesit

25 Nëntor 2022, 12:53, Politikë CNA

“Nuk do të lejojmë ndërtimin e Portit të

“Ai që quhet investitor strategjik, thotë se do investojë në këtë projekt 79 milionë. Dhe do marrë kredi po kaq nga banka.

700 milionë euro apo 1 miliard, i përkasin investitorit të klanit Rama. Para droge, para krimi, para të pista. Durrësi shndërrohet në simbolin e një megalavatriçeje të tmerrshme”.

Kështu është shprehur kreu i PD-së, Sali Berisha, në konferencën e përjavshme për shtyp, teksa fliste për projektin e Portit të Durrësit.

Ai përveç kryeministrit, ka shënjestruar edhe vëllanë e tij, Olsi Rama.

“Këtu para jush kam denoncuar operacionin, vjedhjen e tmerrshme me Bitcoin. Këtu kanë zbarkuar policitë e vendeve europiane, sepse rrjeti i Call Center-ave të biznesmenit të pushtetit, Amant Josifi, që ka mbulimin e plotë të Olsi Ramës, u ka vjedhur investitorëve, qytetarëve europianë, 2.2 miliardë euro. Duke i joshur, duke i mashtruar. Blini Bitcoin dhe vendosini në këtë aplikacion se kompania jonë do ua vlerësojë 20 për qind më shumë. Dhe ky Bitcoin kalon në kuletat e hajdutëve shqiptarë. Ose depozitohet në Emirate.

Me këtë mekanizëm, Rama do ia kalojë edhe princit të Emirateve me pasuri.

Alabar është i pasur, Rama do bëhet edhe më i pasur se ai. Po ndërton Dubain e klanit të tij. Po mjeron shqiptarët. Sepse portin e Durrësit, nuk ekziston më as Emaari, askush tjetër, përveç taksapaguesve shqiptarë”, ka thënë Berisha.

Më tej ai ka paralajmëruar se nuk do të lejojnë ndërtimin e Portit të Durrësit dhe u ka bërë thirrje investitorëve shqiptarë që të mos marrin pjesë në këtë investim.

“Ne, edhe një herë, garantojmë se këtë projekt nuk do ta lejojmë.

U bëjmë thirrje qytetarëve shqiptarë, mos shpenzoni asnjë lekë në këtë zonë krimi gjigant.

U bëjmë thirrje kompanive shqiptare, mos u bëni ortakë në këtë vjedhje monstruoze të pronës publike.

Tani zëvendësja dhe bashkëpunëtorja në vjedhje e Ramës deklaron se do jenë 200 hektarë. Belinda Balluku.

Çdo njëri që merr përsipër të investojë, do i ketë paratë e humbura dhe do konsiderohet bashkëpunëtor në krim.

Parlamenti ishte arenë solidariteti në këtë krim monstruoz. Por populli shqiptar do thotë fjalën e tij.

Parlamenti mbrëmë, gjithçka u bë në errësirë”, ka thënë më tej Berisha./CNA.al