LEXO PA REKLAMA!

SHKARKO APP

App Store
Google Play

Berisha, në krah të Erion Braçes/ Merr në mbrojtje deputetin socialist

25 Nëntor 2022, 14:13, Politikë CNA

Berisha, në krah të Erion Braçes/ Merr në mbrojtje

Kreu i PD-së, Sali Berisha, është shprehur i shqetësuar jo vetëm për amendamentet e PD që u hodhën poshtë nga Kuvendi, por edhe për një amendament të propozuar nga deputeti socialist Erion Braçe.

Sipas tij, Erion Braçe, nuk kishte asnjë synim tjetër, veçse që të çlironte fermerët nga çmimi i rritur i uresë, nitratit dhe inputeve të tjera bujqësore.

“Opozita mbrëmë paraqiti dhjetëra amendamente për buxhetin. U them se kanë qenë propozimet më racionale.

Ato përfshinin çdo gamë, nuk anashkalonin asnjë problematikë të krijuar nga kriza.

Këto amendamente ishin një çlirim i dhimbjeve dhe ishin një mesazh për një kthesë rrënjësore, në transformimin e buxhetit në një buxhet për qytetarët dhe jo për hajdutët e shtetit.

Çdo amendament u hodh poshtë, përfshi edhe një amendament që paraqiti deputeti socialist, Erion Braçe, që nuk kishte asnjë synim tjetër, që të çlironte fermerët nga çmimi i rritur i uresë, nitratit dhe inputeve të tjera bujqësore.

Asgjë, asnjë rresht, asnjë fjalë, të gjitha me një cinizëm ekstrem u hodhën poshtë.

I mbetet popullit, u mbetet shqiptarëve të thonë fjalën e tyre në javët dhe muajt në vazhdim.

Opozita është në këmbë në betejë dhëmb për dhëmb me këtë regjim dhe me protesta të vazhdueshme”, ka thënë Berisha./CNA.al

Lajmet e fundit nga