LEXO PA REKLAMA!

SHKARKO APP

"Kandidatë të blerë"/ Berisha zbardh pazaret e Bashës me Ramën

25 Nëntor 2022, 13:07, Politikë CNA
"Kandidatë të blerë"/ Berisha zbardh pazaret e
Lulzim Basha Edi Rama

Kryetari i PD-së, Sali Berisha, është pyetur lidhur me kandidatët që ka propozuar Lulzim Basha për zgjedhjet lokale të 14 majit.

Berisha u shpreh se ata janë kandidatë të blerë nga Rama, që futen në garë në emrin e Lulzim Bashës për të dëmtuar PD-në. 

Gazetarët: A janë negociatat të mbyllura me grupimin tjetër?

Berisha: Nuk ka asnjë diskutim që PD-ja del me një kandidat. Çdo kandidat tjetër që del, del në emër të Ramës për të dëmtuar PD-në. Kjo u takon shqiptarëve të thonë fjalën e tyre. PD del me një kandidat të zgjedhur me primare.

Gazetarët: Kapllanaj do kandidojë në Mallakastër, Sandër Marku në Lezhë, Gazidede në Dibër, a janë ata kandidatë të Ramës?

Berisha: Absolutisht vetëm të Edi Ramës. E di ti sa tendera ka fituar Kapllani? Ka fituar me dhjetëra tendera, përfshi pallatet ku u krijua keqtrajtimi më i shëmtuar ndaj qytetarëve te "5 Maji". Nuk ka forcë që ta tërheqë PD-në nga tenderat. PD është opozitë e vërtetë dhe jo grup i tendermenëve. Kapllani ka një listë shumë të gjatë tenderash nga pushteti qendror dhe vendor. Ai është i detyruar. Atë e telekomandojnë. Atij i japin para. “Një kandidat një pallat” është në masën 80-90% e vërtetë. Këta janë të tillë, nuk kanë asgjë të përbashkët me popullin opozitar. Ju e patë se si ishin përzier aksionet. Nëse ka një akt të vërtetë makbethian të Ramës ishte përfshirja e kreut të opozitës në aferën e Durrësit./CNA.al

Lajmet e fundit nga