E fundit!

11:11 Kosova & Bota

Tërmeti i fuqishëm godet Greqinë

Një tërmet i fuqishëm me magnitudë 5.1 ballë të shkallës R...

Do të përjashtohet Alibeaj nga PD-ja?/ Përgjigjet Berisha

26 Nëntor 2022, 12:31, Politikë CNA

Kreu i Partisë Demokratike, Sali Berisha, ka treguar arsyet se përse nuk e përjashton përçarësin Alibeaj nga partia.

Në fjalën e tij gjatë konferencës, ai u shpreh se Partia Demokratike ka hequr nenin e përjashtimit, me qëllim që të mos largojë asnjë kontributor nga partia.

Por nga ana tjetër, kreu i PD-së u shpreh se të gjithë demokratët i shohin vetë zhvillimet që po ndodhin, që janë një tregues i qartë se si Basha dhe grupi i tij përçarës, kanë bashkëpunuar me Ramën duke u përfshirë në shumë afera me qëllim përfitimet personale.

“Pyetja është normale, por ne hoqëm nga statuti nenin e përjashtimit me besimin më të madh se procesi në të cilin po kalonte PD-ja, se në këtë proces duhet të dominonin përpjekjet për ribashkimin e të gjithë kontributorëve, investitorëve, aksionerëve politikë të kësaj partie.
Jo vetëm nuk kemi nen përjashtimi, por kemi një nen që autorizon cilindo që nuk bie dakord me kryetarin, të krijojë fraksion brenda kësaj partie.
Ne i ndjekim, mirëkuptojmë. Të dashur demokratë, ju i shikoni vetë zhvillimet se çfarë dalin njëra pas tjetrës, superskandalet e atij që besimin tonë për 8 vite e kishte varur në gozhdën e Edi Ramës.
Dhe kishte vendosur njëlloj si ai të pasurohej në mënyrën më të paligjshme në një seri aferash si është ajo e Durrësit.
Ajo që mund të themi se opozita e vërteta e pamohueshme pësoi një infeksion të rëndë dhe akti absolutisht më makabër, armiqësor, makbethian i Ramës pas grabitjes së votës, është grabitja e kreut të opozitës shqiptare në mënyrën më mafioze, më të rëndë, papranueshme.
Ndaj ta marrim si një proces këtë, të tregojmë durim, janë qytetarët që e shohin për kë punon secili, kush mbron interesat e kush është i emëruar.
Në fund të këtij procesi ne do të kemi fitoren që meritojmë, kurse të tjerët do të marrin atë vend që u rezervon historia bukëshkelësve, pengjeve etj.”- u shpreh ai./CNA.al