Basha nuk i ndahet “krimit”/ Nga vjedhjet, tek droga dhe miliardat e tenderave të Rilindjes

16 Janar 2022, 12:16, Politikë CNA

Kryetari i shkarkuar i Partisë Demokratike, Lulzim Basha në vijim të tentativave të tij për të mbajtur vulën e PD, sot ka zhvilluar një takim në Fier.

Por, përtej asaj që tentoi të ?shesë? në media, si një takim me demokratët, në fakt realiteti duket të jetë krejt ndryshe.

Basha është braktisur nga demokratët, dhe salla e Teatrit Bylis nuk kishte demokratë, por njerëz të çuar aty nga Edi Rama, I cili mesa duket I vjen në ?ndihmë? Lulzim Bashës, sa herë ky i fundit ndodhet në hall.

Burime për CNA.al bëjnë të ditur se 150 persona ia ka çuar kryebashkiaku i Fierit, Armando Subashi.

Rreth 100 persona, Balili i Patosit.

100 persona janë punonjës të Bashkisë së Lushnjes dhe Divjakës.

Ndërsa pjesa tjetër janë punonjës të kompanisë së vellait të Agron Kapllanaj.

Ky i fundit, ndonëse i dënuar për vjedhje në Itali, Basha e ka komanduar si kryetar partie në Fier.

Por, duket se ?dardha e ka bishtin prapa?.

Vëllai Agron Kapllanajt, Shkëlqim Kapllanaj ka marrë jo pak tendera në bashkitë që qeverisen nga socialistët.

Sipas JOQ, gjatë katër viteve, kompania e Shkëlqim Kapllanajt, ?Shkëlqimi 07? ka fituar 47 tendera, në bashkitë që drejtohen nga socialistët.

Sipas JOQ, në katër vite, Shkëlqim Kapllanaj ka marrë 16 miliard lekë tendera nga kryebashkiakët e Ramës.

Një tjetër person, mbështetës i Lulzim Bashës, është edhe Shezai Sinanaj, i zgjedhur nga Lulzim Basha në krye të degës së PD në Patos.

Shezai Sinanaj është një ish-oficer policie i cili me datën 30 tetor 2015 është ndaluar me 13 kg lëndë narkotike e dyshuar Cannabis Sattiva.(Lexo këtu)

Pra, Lulzim Basha kërkon Vettingun në politikë, e të tjera ?përralla? si këto, ndërsa vetë mbështetet dhe shoqërohet nga persona të dënuar për vjedhje apo edhe të arrestuar me drogë.

Nga ana tjetër thotë se ?beteja? e tij është me regjimin e Edi Ramës, kur në fakt personi që ka fituar rreth 16 miliardë lekë tendera nga Rilindja, sot i erdhi në ?ndihmë? Bashës për të mbushur sallën në Fier. Për më tepër, vëllain e këtij të fundit Basha e komandon në krye të degës së PD./CNA.al

Foto ekskluzive – U arrestua me 13 kg drogë, zgjidhet në krye të PD-së

Foto-Basha në Fier/ Shoqërohet nga i dënuari për vjedhje

Basha kapet mat/ Bie vettingu, nga trafikantët e drogës tek Ekim Alptekin