web counter
LEXO PA REKLAMA!

SHKARKO APP

App Store
Google Play

Mediu: Sali Berisha është autoriteti kryesor i opozitës

6 Janar 2023, 23:06, Politikë CNA

Mediu: Sali Berisha është autoriteti kryesor i opozitës

Kryetari i Partisë Republikane, Fatmir Mediu është shprehur se autoriteti kryesor i opozitës është Sali Berisha.

Në një intervistë për gazetarin Çim Peka, Mediu ka thënë ndër të tjera se opozita duhet të ketë një identitet të qartë politik dhe të ketë qendra pozitive reference.

Ai theksoi se duhet të ketë një qasje më të hapur edhe ndaj diasporës, me qëllim që kjo e fundit të japë kontributin e saj.

"Autoriteti kryesor i opozitës është Sali Berisha. Unë kam një histori marrëdhëniesh, raport zyrtar dhe politik prej vitesh. Ajo që unë dua është që Berisha të kthehet në strumbullarin e bashkimit të opozitës shqiptare, siç edhe e ka bërë herë tjetër.

Kjo është më e rëndësishmja për të mos përjashtuar askënd.  Ka ardhur koha që si Berisha, Mediu, Duka etj., të ofrojnë një sjellje të re politike për të sjellë prurje të reja, edhe nga diaspora që të bëjmë një kapërcim kualitativ nga ai KOP-i i famshëm që kishim, të dalim në kualitet më të organizuar të pjesës së diasporës për të qenë pjesë e opozitës.

Unë kam bindjen që opozita duhet të vijë në një format të tipit federate. Të ketë një identitet të qartë politik, të ketë qendra pozitive reference", u shpreh Fatmir Mediu./ CNA.al

 

 

-

 





Lajmet e fundit nga