web counter
LEXO PA REKLAMA!

SHKARKO APP

App Store
Google Play

E fundit!

x

Salianji drejt rrëzimit të Enkelejd Alibeajt

9 Janar 2023, 15:13, Politikë CNA

Salianji drejt rrëzimit të Enkelejd Alibeajt

CNA.al ka mësuar nga burimet pranë PD-së, se Ervin Salianji ka filluar mbledhjen e firmave për të rrëzuar Enkelejd Alibeajn.

Një ditë më parë, raportuam se ai kërkonte të bëhej kreu i Grupit Parlamentar dhe të njëjtat burime konfirmuan për CNA.al se ai ka bërë një marrëveshje tashmë me kreun demokrat Sali Berisha dhe ka filluar të mbledhë firmat për largimin e Enkelejd Alibeajt.

Grupi Parlamentar i Partisë Demokratike aktualisht ka 48 deputetë dhe duhen 21 firma për të larguar Alibeajn dhe për të emëruar dikë tjetër.

 

Salianji drejt rrëzimit të Enkelejd Alibeajt
Deputetët e PD-së

 

Në fakt 52 janë deputetët e zgjedhur të PD-së me gjithë aleatët, por shtatë deputetë janë huazuar dhe pesë janë nga partitë që ishin pjesë e koalicionit dhe deputetë.

Nga ana tjetër katër deputetë janë të përjashtuar, çka do të thotë se i gjithë grupi, pra në tërësi me dhëniet hua, aleatët e përjashtimet, të mbetet vetëm me 40 emra.

 

Salianji drejt rrëzimit të Enkelejd Alibeajt
Deputetët e përjashtuar

 

Nga këto 40 emra, siç e theksuam më lart, do të duhet që 21 prej tyre të firmosin për largimin e Alibejat dhe emërimin e Salianjit në krye të Grupit Parlamentar të Partisë Demokratike.

Bashkimi i firmave të deputetëve të Sali Berishës dhe të disa personave që Salianji personalisht mund t’ju marrë firmën do të sillte emërimin e tij në krye të Grupit Parlamentar.

Salianji drejt rrëzimit të Enkelejd Alibeajt

Janë rreth 17 apo 18 persona të cilët kanë firmosur deri më tani dhe mësohet se katër prej tyre janë edhe deputetët që njihen si mbështetës të Lulzim Bashës apo që qëndrojnë me grupin e Lulzim Bashës.

Pra, do t’i duhen Salianjit dy apo tre firma për të bërë mundur largimin e Alibeajt dhe emërimin e tij në krye të Grupit Parlamentar të PD-së.

Salianji drejt rrëzimit të Enkelejd Alibeajt

Duket se intriga brenda PD-së po funksionon. Salianji shumë shpejt mund të jetë edhe kreu i grupit parlamentar të kësaj partie. Por, nëse Gjykata e dënon, jetëgjatësia e tij në krye të Grupit Parlamentar të PD-së do të jetë e shkurtër.

Salianji drejt rrëzimit të Enkelejd Alibeajt

Pasi nuk do të mund ta mbajë dot drejtimin e grupit, dhe grupit do t’i duhet të zgjedhë një person tjetër në krye të tij.

Si po kërkon të sigurojë mbrojtje politike përballë drejtësisë

Deputeti Ervin Salianji po tenton marrjen e grupimit të Grupit Parlamentar të Partisë Demokratike, për të bërë të mundur ose siç beson ai, që të  të ketë një mbrojtje politike, pasi shumë shpejt pritet të jepet vendimi i gjykatës së Apelit në lidhje me çështjen “Babale”.

Me marrjen e Grupit Parlamentar ai automatikisht kthehet në një nga nënkryetarët e PD-së.

Kreu i Grupit Parlamentar është i rëndësishëm për Partinë Demokratike dhe ndoshta Salianji mendon se duke qenë i tillë nuk do të dënohet nga gjykata, pasi mund të stepen personat që po e gjykojnë dhe për më tepër do të viktimizohet dhe do ta quajë gjyq politik, dënim politik, e të tjera si këto.

Në Gjykatën e Faktit ai është dënuar dhe në rast se do të lihet në fuqi nga Apeli ai vendim, Salianji duhet të lërë mandatin e deputetit dhe duhet të shkojë në burg.

Ai mendon se duke u mbrojtur politikisht mund të shpëtojë nga një dënim i mundshëm, i cili është pasojë e një skenari lidhur me çështjen “Bababale” e cila trazoi ujërat politike të  kohës dhe çoi deri në largimin e ish-Ministrit të Brendshëm, Fatmir Xhafaj.

E gjitha qartazi u duk se ishte një skenar i përgatitur nga ai dhe disa bashkëshpunëtorë të tij.

Koha tregoi se telefonanat dhe manipulimet ishin bërë nga deputeti dhe personat e tjerë, të cilët denoncuan si të vërtetë historinë e Babales./CNA.al





Lajmet e fundit nga