E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Tallja me Apelin/ “Babalja” prej 2 vitesh shtyn gjyqin

9 Nëntor 2022, 13:18, Aktualitet CNA

Ervin Salianji është dënuar nga Gjykata e Tiranës me 1 vit burg, për shpifje për çështjen “Babale”.

Vendimi është dhënë nga gjykata e Tiranës, që në janar të vitit 2020.

Dhe kur po bëhen gati dy vjet kjo çështje po zvarritet në Gjykatën e Apelit.

Herë mungon avokati i njërit, herë i tjetrit, herë udhëtime dhe herë pretendojnë se kanë probleme shëndetësore dhe çështja po zgjat në pafundësi.

Por, Gjykata e Apelit nuk mund të përfshihet në skandal, pasi ka mekanizma ligjorë që ndalin zvarritjen e çështjes.

Tallja me Apelin/ “Babalja” prej 2 vitesh shtyn gjyqin

Duke e shtyrë herë pas here Gjykata s’bën gjë tjetër veçse saboton drejtësinë.

Në rastet kur mungon avokati, Gjykata e zëvendëson me tjetër sipas listës së avokatëve të shtetit, ose mund të kërkojë ndihmën e zyrës juridike, strukturë kjo në Ministrinë e Drejtësisë.

Pra, caktohet në mënyrë urgjente avokat tjetër, për cilindo nga të pandehurit qoftë dhe çështja nuk zvarritet pafundësisht.

“Babalja” në gjyq/ Tentativa për të shtyrë sërish seancën
9 Nëntor, 12:23

Gjykata nuk mund të tallet me drejtësinë dhe Salianji me gjyqtarët apo me presionet e herëpashershme publike, për t’i shpëtuar burgut.

Më poshtë po sjellim një pjesë nga vendimi i Gjykatës, shkalla e parë e cila e dënoi Salianjin për shpifje.

Shkalla e parë vërtetoi se Salianji shpifi

Salianji u përfshi në kallëzimin e rremë për interes politik të tij e të PD-së. Albert Veliu i njohur si "Babalja" u akomodua në selinë e PD-së ku ka dhënë dhe intervista. Biseda e stimuluar mes Albert Veliut dhe Fredi Alizotit është regjistruar në janar 2018. Biseda është regjistruar në një mjet pergjimi stilolaps të cilin Albert Veliu ia ka dorëzuar Ervin Salianjit.

Stilolapsin përgjues ia dha Salianji. Fredi Alizoti stimuloi zërin e Agron Geron Xhafës. Mes të pandehurve Veliu, Alizoti, Salianji, Jetmir Olldashi ka komunikime të shpeshta para e pas veprës penale.

Video-Ervin Salianji, drejt burgut/ Përçarësit dhe PD-ja zyrtare, në mbështetje të “Babales”
17 Tetor, 10:37

Nuk ka asnjë shpjegim tjetër, komunikimet e tyre të shpeshta veç përfshirjes në audiopërgjim. Në tetor 2017 Albert Veliu ka marrë takim me Ervin Salianjin. Më 20 tetor 2017 Veliu ka biseduar me Salianjin për 51 sekonda. Ky komunikim përveç motiveve për audiopërgjimin s'i lidh të pandehurit me asnjë shkak tjetër. Nuk janë as miq as të afërm.

Ervin Salianji realizoi kontaktin e Albert Veliut me gazetarin Jetmir Olldashi. Deklarimet publike të Salianjit nuk dhanë asnjë provë për veprën penale të trafikut të drogës në ngarkim të Agron Xhafës. Pas publikimit të audiopërgjimit ka një numër të lartë bisedash mes Albert Veliut e Fredi Alizotit, biseda këto komprometuese.

Nga të gjitha provat dhe tabulatet telefonike rezulton se zërin e Agron Xhafës e ka bërë Fredi Alizoti. Kjo veprimtari e kallëzimit të rremë nuk mund të konsiderohet e kryer brenda fushës së ushtrimit të funksionit politik të deputetit apo ushtrimit të lirisë së shprehjes./CNA.al