web counter
LEXO PA REKLAMA!

SHKARKO APP

App Store
Google Play

Në panik nga burgu/ Ervin Salianji “fshihet” pas Ramës

9 Nëntor 2022, 13:52, Aktualitet CNA

Në panik nga burgu/ Ervin Salianji “fshihet” pas Ramës

Ervin Salianji sërish i ka bërë presion Gjykatës së Apelit, duke u fshehur pas deklaratave të kryeministrit.

Prej dy vitesh çështja “Babale” ndodhet në Apel, dhe po zvarritet nga seanca në seancë.

Por, Salianji, në panik nga burgu, thotë se fajet ia ka kryeministri.

“E dëgjuat kryeministrin me një gjuhë prej rrugaçi ordiner se si i dejtohej opozitës. Pa diskutim me një gjuhë të papërshtatshme, që nëse do vinte nga një adoleshent apo nga një i moshuar se nuk di ç’të flasë.

Pa diskutim është paralajmëruar dhe është thënë shpesh nga ana ime, se si kryeministri nga foltorja e parlamentit mendon se më kërcënon duke më përmendur një proces gjyqësor që e ka hapur vetë dhe e nis vetë dhe duket që kujdeset vetë, pasi e dinte që kisha procesin sot. Dhe vetëm pak minuta, rreth 20 minuta, pas kërcënimit të tij, Gjykata e Apelit solli njoftim duke thënë që për kërkesa të njëjta procedurale që kanë ndodhur përpara, duke ndjekur një standard tjetër për të shqyrtuar një kërkesë nga njëri prej avokatëve. Unë do të jem në proces gjyqësor. Unë dua të theksoj që as nuk më kërcënon, as nuk më bën të tërhiqem nga interesi publik. Mendon se është me ata që i vijnë rrotull si kukulla”, u shpreh Salianji./CNA.al





Lajmet e fundit nga