web counter
LEXO PA REKLAMA!

SHKARKO APP

App Store
Google Play

Avokatët e "Babales" po abuzojnë me kërkesat për shtyrje/ Gjykata duhet t'u caktojë avokatë kryesisht

9 Nëntor 2022, 13:27, Aktualitet Dritor Pine

Avokatët e "Babales" po abuzojnë me kërkesat për

Është e disata herë me radhë avokatët e personave të përfshirë në gjyqin e rastit "Babalja" po sëmuren vetë ose ju sëmuret gjyshja në ditët e seancave.

Talljes duhet t’i japë fund gjykata.

Gjykata mund të thërrasë avokat kryesisht nga zyra e ndihmës juridike, për "Babalet" që ju sëmuren avokatët.

Nëse avokati i Salianjit ka ikur me pushime, minimumi verifikohet dita kur ka prerë biletën.

Nëse udhëtimi paska qenë i prenotuar me kohë, pse nuk u dha ky pretendim herën e fundit në ditën kur u kërkua shtyrja e radhës?

Me logjikën e udhëtimeve dhe ditëve të muajit kur avokatët e "Babales" qenkan të sëmurë, do të duhet që jo gjykata, por avokatët të njoftojnë gjykatën se në cilën datë qenkëshin të disponueshëm për t'u paraqitur në gjykatë, në mbrojtje të klientëve që i kanë zgjedhur vetë. Nuk ua ka caktuar gjykata klientët.

Talljes në gjykatë, me gjykatën e drejtësisë së re me praktika të vjetra duhet t'i vijë fundi.

Gjyqi nuk mund të shtyhet pafundësisht.

Nëse sot "Babalja" rezulton pa avokat apo me avokat të pamundur fizikisht, i caktohet avokat kryesisht.

Zyra e ndihmës juridike është strukturë në ministrinë e drejtësisë. Të vihet në dispozicion të procesit serioz në gjykatë.

Kështu "Babalja" nuk paguan as shërbimet e avokatisë.

Atij dhe të tjerëve duhet t'u sigurohet mbrojtja me avokat nga lista e shërbimit të ndihmës ligjore./CNA.al





Lajmet e fundit nga