LEXO PA REKLAMA!

SHKARKO APP

Ervin Salianji konfirmon lajmin e CNA.al/ Kam mbajtur takime për kreun e Grupit të PD-së

9 Janar 2023, 22:01, Politikë CNA
Ervin Salianji konfirmon lajmin e CNA.al/ Kam mbajtur takime për kreun e
Ervin Salianji

CNA.al ka raportuar dy ditët e fundit se Ervin Salianji, i njohur si deputeti “Babale”, ka filluar mbledhjen e firmave për të rrëzuar Enkelejd Alibeajn.

Burime zyrtare i thanë CNA.al se Salianji po kërkon të bëhet kryetar i Grupit Parlamentar të PD-së dhe për këtë ka bërë një marrëveshje me kreun demokrat Sali Berisha.

Këtë lajm të CNA.al e ka konfirmuar mbrëmjen e sotme vetë Salianji, i cili ka deklaruar se ka mbajtur takime me funksionarë të PD-së.

Në një intervistë me gazetaren Elona Meço, deputeti pretendon se dëshiron që grupi i PD-së të dalë nga ngërçi që e ka dërguar Alibeaj.

“Ka patur takime të miat dhe të funksionarëve të PD-së për të gjetur një zgjidhje që do të jetë unifikuese, për një mesazh publik unifikues për PD-në dhe për ta nxjerrë grupin dhe PD-në nga një ngërç artificial që mbahet për interesa thellësisht personale të pak personave”, tha ai./ B.A. – CNA.al

Lajmet e fundit nga