web counter
LEXO PA REKLAMA!

SHKARKO APP

App Store
Google Play

E fundit!

x

Opozita e improvizuar

20 Dhjetor 2022, 09:56, Editorial CNA
Opozita e improvizuar
Edi Rama dhe Lulzim Basha, foto ilustruese

Opozita është një nga shtyllat kryesore të demokracisë, përfaqësuesja e mendimit kundër, por edhe garantuesja e variancave politike për funksionimin në balancimin e pushteteve dhe kontrollin mbi to.

Në fakt në Shqipëri, ka disa lloj opozitash, të cilat fillojnë nga monopolizimi i saj në kohën e Lulit, i cili thoshte opozita jam unë, tek opozita e Berishës, që në krah ka dhe një opozitë të improvizuar nga vetë pushteti që ka përballë.

Luli, që dje pretendonte pronësinë e opozitës, tani ka kaluar në një opozitë të improvizuar, që nga pushteti i Rilindjes, ku në krye është i komanduar një pretendues si i persekutuar nga ish-diktatura.

Një opozitë e improvizuar nga qeveria, për të pasur garancinë e jetëgjatësisë së pushtetit, për të pasur një grusht votash më shumë në parlament, të cilat sigurojnë një mazhorancë më të madhe për Edi Ramën, i cili që nga viti 2017, opozitën e ka pasur në Pazar, në 2019 ngeli pa opozitë, dhe tani ka përballë tri opozita, atë të Sali Berishës, atë të Ilir Metës, që janë bashkë dhe opozitën e improvizuar të Lulzim Bashës.

Nuk sillen si opozitë, por votojnë çfarë do qeveria. Kështu ka ndodhur me opozitën e improvizuar të Lulit që në vitin 2017 ku shumë prej deputetëve të saj votuan Gramoz Ruçin, ku të tjerë u bashkuan me Edi Ramën, për të mos u ndarë më edhe tani pas 5 vjetësh në rolin e tyre si opozitë e improvizuar e Rilindjes në pushtet.

Në emër të gjoja proeuropianizmit dhe proamerikanizmit janë rikthyer në fasadë opozitare e Edi Ramës thjesht dhe vetëm për t’i dhënë oksigjen kryeministrit dhe për të marrë kockat që përfitojnë nga improvizimi.

Një opozitë e improvizuar, që i shërben Ramës dhe që drejtohet nga Lulzim Basha, i cili fshihet pas një grushti deputetësh që më shumë se besnikë janë xhepistat e opozitës./ CNA.al

 





Lajmet e fundit nga