LEXO PA REKLAMA!

SHKARKO APP

Kur do e pranojë grupi "Basha" që janë pakicë?

9 Korrik 2022, 11:27, Politikë CNA
Kur do e pranojë grupi "Basha" që janë pakicë?
Tabaku, Basha dhe Bardhi

Në datën 7 korrik me mijëra qytetarë mbushën bulevardin "Dëshmorët e Kombit". Situata ekonomike në vend, duke nisur nga rritja e çmimit të produkteve të shportës, naftës, e çdo gjëje tjetër, bëri që reagimi popullor të ishte i madh.

Kjo protestë u thirr nga kreu i PD-së Sali Berisha, por sheshi nuk u mbush vetëm me demokratë, por edhe me qytetarët të depolitizuar, të cilëve u ka ardhur “litari në fyt” nga mënyra e qeverisjes së Edi Ramës gjatë këtyre viteve.

Por pavarësisht numrit të lartë të pjesëmarrësve në protestën paqësore, grupimi i Lulzim Bashës në PD mundohet ta veshë me nuanca politike, duke zbehur reagimin qytetar.

Fillimisht, ishte Jorida Tabaku ajo e cila përmes një postimi në rrjetin social "Facebook", shkruante se protesta u thirr nga Berisha, i cili sipas saj kërkon përçarjen e PD dhe jo bashkimin e partisë. Sipas Tabakut, pavarësisht pjesëmarrjes së protestuesve qeveria nuk ra.

Pjesëmarrja ishte e mirë, aq më shumë që nuk jemi në stinën më të përshtatshme për protesta të kësaj natyre, të cilat nuk shkojnë dot përtej një manifestimi partie. Nga numrat nuk mund të kërkoje më shumë, ndërsa nga çfarë u tha dhe u dëgjua nuk mbeti më shumë sesa çfarë është thënë e dëgjuar qysh prej vitit 2013. Madje, më pak do të thosha, por nuk po e them për të mos krijuar ndonjë ide të gabuar se po krahasoj protagonistë të ndryshëm”, shkruante ndër të tjera Tabaku.

 

Po ashtu, edhe Enkelejd Alibeaj, në një reagim në "Twitter", shprehej se protesta nuk ishte për hallet e qytetarëve, por për interesat personale të Sali Berishës.

Është e qartë për çdo qytetar se rruga për largimin e Edi Ramës nuk kalon nga përçarja e opozitës, por vetëm drejt bashkimit të saj! Bashkimit rreth vlerave të qytetarisë politike. Kush bën sikur nuk e kupton, thjesht përdor kauzën e opozitës, shpërdoron besimin e demokratëve veç për interes personal të vetin apo enturazhit të vjeteruar politik”, shkruante Alibeaj.

Grupi “Basha”, duke nisur nga Jorida Tabaku, Enkelejd Alibeaj, Gazment Bardhi apo edhe Agron Gjekmarkaj, braktisën reagimin qytetar në datën 7 korrik. Të mbetur pa mbështetje dhe të vetmuar, ata tentojnë të “veshin” revoltën popullore si “protesta e Saliut”, duke përdorur të njëjtën gjuhë si socialistët.

Një pjesë e deputetëve, të cilët deri dje godisnin dhe akuzonin demokratët, sot kanë reflektuar dhe janë krah tyre.

Grida Duma, Ervin Salianji, Dhurata Çupi e Dashnor Sula kanë ndryshuar drejtim, e kanë kuptuar se mbështetja është në bazë te demokratët, e këta të fundit nuk janë me Bashën e grupin e tij.

Të vetmit që nuk e kanë kuptuar këtë janë Tabaku, Alibeaj, Gazi apo Gjekmarkaj dhe ende nuk dihet se kur këta do e kuptojnë që reagimi qytetar nuk është i Saliut dhe të bëjnë opozitë, të dalin në shesh kundër qeverisë dhe Edi Ramës./CNA.al

 

Lajmet e fundit nga