web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 7 korrikut/ Zhupa: Test për të kuptuar ku jemi. U zgjodh Berisha si alternativa që drejton aktualisht PD

8 Korrik 2022, 20:23, Politikë CNA
Protesta e 7 korrikut/ Zhupa: Test për të kuptuar ku jemi. U zgjodh
Deputetja e PD-së, Ina Zhupa

Deputetja e PD-së, Ina Zhupa, e ka cilësuar protestën e 7 korrikut si një lloj testi për të kuptuar se si po ecën kjo opozitë.

Masiviteti në protestë, sipas deputetes demokrate, tregoi besimin tek alternativa e Partisë Demokratike, revoltën ndaj qeverisë, por edhe rikonfirmoi rolin e Berishës në krye të partisë më të madhe opozitare në vend.

“Në shesh kishte edhe qytetarë pa parti, socialistë të ndershëm. Misionarë të lirisë, që zgjodhën alternativën që drejton aktualisht PD, Sali Berishën si drejtues. Ishte nje test protesta e djeshme. Dje ishim të shumtë. Ishte e bashkuar PD në bazën e vet. Kishte vetëm disa mungesa në grupin parlamentar”, tha Zhupa. Për emisionin “Radari Informativ”.

Sa i përket prezencës dhe rolit të LSI-së në protestë, Zhupa theksoi se ata janë aty ku duhet të jenë si partia e dytë më e madhe opozitare. Sipas saj edhe kthimi i Ilir Metës pas 24 korrikut do t’i bëjë mirë opozitarizmit.

“Do të kenë një alkimi të mirë me Berishën. Arratisja e kryeministrit për të gjetur një strehë në Vlorë, ndërkohë që ne ishim në Tiranë tregon se ai ka frikë.”

Por a u mbush sheshi me qytetarë të ardhur nga rrethet siç aludoi kryebashkiaku Erion Veliaj?

“Këto janë absurditete që vetëm lali Eri mund t’i thotë. S’ka njeri që të thotë që Tirana është e kënaqur me vendorët apo ekzekutivin.”

Sa i përket qëndrimit të kreut të Grupit Parlamentar të Partisë Demokratike Enkelejd Alibeaj dhe disa deputetëve të tjerë të grupit që munguan, Zhupa thotë se ata zgjodhën të mos ishin në krah të qytetarëve./CNA.al





Lajmet e fundit nga