web counter
LEXO PA REKLAMA!

SHKARKO APP

App Store
Google Play

Skenari i Bashës dhe Alibeajt/ Vokshi: Po lobojnë te ndërkombëtarët kundër PD-së

8 Korrik 2022, 19:43, Politikë CNA
Skenari i Bashës dhe Alibeajt/ Vokshi: Po lobojnë te
Deputetja Albana Vokshi

Anëtarja e Kryesisë së PD-së, deputetja Albana Vokshi, ka hedhur akuza të rënda në adresë të Lulzim Bashës dhe Enkelejd Alibeajt. 

Sipas Vokshit, deputeti Alibeaj po vazhdon agjendën e Bashës, duke shtuar se po tentojnë të minojnë Partinë Demokratike përmes lobimeve te ndërkombëtarët. 

Partia Demokratike është e bashkuar në bazë, tha Vokshi, duke shtuar se mbledhjet që bën Alibeaj me disa deputetë janë të mungesë të kuorumit dhe të pavlefshme.

“Partia Demokratike është baza dhe aty është e bashkuar. Por po, sot ka një problem me Grupin Parlamentar. Nuk janë 35 deputetë, por më pak se aq, që janë të veçuar. Edhe pas protestës ka pasur bisedime me ta. Ndërsa mbledhjet që bën zoti Alibeaj bëhen edhe në mungesë të kuorumit. Por zoti Alibeaj vazhdon me agjendën e tij, që për fat të keq është agjenda e Bashës. Zoti Basha dhe ndonjë tjetër po përpiqen edhe ndërkombëtarisht ta minojnë Partinë Demokratike. Dje në shesh qytetarët tregojnë se nuk hanë bar. Pra, në momentin që qeveria sillet si armik me ta, ata çohen dhe protestojnë duke i treguar Edi Ramës të vetmen gjuhë që ai kupton”, u shpreh kryetarja e LDG, Albana Vokshi në emisionin 'Kontrast'. /CNA.al

 





Lajmet e fundit nga