Alibeaj flet me gjuhën e socialistëve/ “Berisha po shpërdoron besimin e demokratëve për interesin personal”

8 Korrik 2022, 19:14, Politikë CNA

Alibeaj flet me gjuhën e socialistëve/ “Berisha po

Enkelejd Alibeaj

Deputeti demokrat, Enkelejd Alibeaj, ka reaguar në lidhje me deklaratën e bërë këtë të premte nga kryetari i PD-së Sali Berisha, i cili tha se ai sillej si një përfaqësues i mazhorancës.

Përmes një reagimi në rrjetet sociale, Alibeaj i kujtoi Berishës se edhe ish-kryeministrin Fatos Nano e kishte shpallur armik, por me të bëri marrëveshje.

Sipas Alibeajt, me Berishën në krye, Partia Demokratike vijon të mbetet e përçarë, teksa shtoi se rruga për largimin e kryeministrit Edi Rama kalon nga bashkimi i opozitës.

Alibeaj teksa flet në gjuhën e socialistëve, thekson se Berisha po shpërdoron besimin e demokratëve për interesin e tij personal.

“Revanshi dhe gjuha e helmët e Sali Berishës ndaj atyre që mendojnë ndryshe nga ai, nuk e bën atë të ndryshëm nga Sali Berisha që bënte paqe dhe marrëveshje p.sh. me Fatos Nanon dikur. Në tjetër i shpallur 'armik' i madh, me të cilin u puth pa të keq më pas. Veçse këtë herë, me një PD që e përçau dhe sakatoi, siç deshi dhe për aq sa e do, e vetmja fitore e Sali Berishës është ajo ndaj 'armiqve të brendshëm', si në komunizëm. Është e qartë për çdo qytetar se rruga për largimin e Edi Ramës nuk kalon nga përçarja e opozitës por vetëm drejt bashkimit të saj! Bashkimit rreth vlerave të qytetarisë politike. Kush bën sikur nuk e kupton, thjesht përdor kauzën e opozitës, shpërdoron besimin e demokratëve veç për interes personal të vetin apo enturazhit të vjeteruar politik. Sa për 'kushte të tmerrshme', po e kam një! Ajo që i rëndon si peshë atij e që do Sa për 'kushte të tmerrshme', po e kam një! Ajo që i rëndon si peshë atij e që do t’ua hedhë në kurriz mua dhe demokratëve: 'non grata' e firmosur nga SHBA. Ky është kusht sine qua non!”, shkruan Alibeaj.

Më 7 korrik, Partia Demokratike organizoi një protestë në Bulevardin “Dëshmorët e Kombit”, përpara godinës së Kryeministrisë.

Gjatë fjalës së tij, Berisha deklaroi se ai dhe kryeministri Edi Rama janë armiq me njëri-tjetrin, pasi ndryshe nga Rama, ai ka ideal lirinë për t’i kthyer dinjitietin qytetarëve./CNA.al