LEXO PA REKLAMA!

SHKARKO APP

“Protesta i kaloi pritshmëritë”, Boçi: Edhe deputetët kritikë ndaj Berishës e kuptuan çfarë do baza

8 Korrik 2022, 22:06, Politikë CNA
“Protesta i kaloi pritshmëritë”, Boçi: Edhe
Luçiano Boçi, përballë gazetares Merita Haklaj

Nënkryetari i PD-së, Luçiano Boçi, u shpreh se protesta e së enjtes në Tiranë i kaloi pritshmëritë dhe se pjesë e saj u bënë qytetarë nga të gjitha grupet.

Në një intervistë me gazetaren Merita Haklaj, numri dy i PD-së, thekson se pjesëmarrja tregon se shqiptarët janë të zhgënjyer nga kjo qeverisje.

Pritshmëritë për këtë protestë ishin dhe u tejkaluan dhe impresionimi pas saj ishte goxha i madh, jo vetëm nga pjesëmarrja, por edhe nga tipologjia e protestuesve. Prevalonte ardhja e qytetarëve të Tiranës, të rinjtë, gratë, ishin në shumicë në raport me protestat e tjera. Tipologjia transmeton dhe mesazhe e do të thotë që shqetësimet e qytetarëve nuk janë vetëm të një grupi. Protesta ishte atipike dhe në mënyrën se si ajo erdhi dhe u ndërtua. Ishte një kërkesë e vazhdueshme e shoqërisë civile që kauza qytetare të shndërroheshin në kauza politike”, tha Luçiano Boçi.

Nënkryetari demokrat vlerësoi gjithashtu angazhimin e deputetëve që kishin mbajtur një qëndrimin kritik ndaj ish-kryeministrit Sali Berisha, në organizimin e protestës përpara Kryeministrisë. Sipas tij, deputetët e kuptuan nga pjesëmarrja se baza është e bashkuar dhe e ka caktuar në mënyrën e saj se si duhet të jetë orientimi.

“Prania e deputetëve të tjerë, ishte një gjë shumë e mirë. Ata ishin dhe në grupet e punës dhe një pjesë e tyre dhe u morën me organizimin. Pati disa reagime, por unë i konsideroj pozitive pavarësisht fjalëve me ngjyrë pezhorative. Ishte thirrje për bashkëpunim që u pranua dhe ishte një përmbushje e egos politike. Pati angazhime nga Ervini, Ramadani, Zefi, Helidoni apo emra të tjerë që kanë lidhje të forta me bazën. Në përgjithësi deputetët e PD gëzojnë respekt aty ku operojnë dhe ndikimin e kanë kthyer pozitivisht për pjesëmarrjen në protestë. Bashkimi tashmë është në rrugën e duhur dhe ne duam ta shkurtojmë kohën  e tij, pavarësisht se ndonjëherë ka dhe rrethana që e pengojnë. Deputetët e lexuan që baza është e bashkuar mirë në synime dhe ata duhet të ndjekin orientimin që ajo ka shpalosur me pjesëmarrjen masive”, shtoi Boçi.

Në lidhje me reagimin e Jorida Tabakut pas protestës, Boçi tha se mendon se ajo është në një moment autoreflektimi, por që rrëzoi idenë se protestat nuk sjellin produktivitet.

Unë mendoj që ndoshta ka një autoreflektim për të ndryshuar ajo vetë. Besoj se i referohet reflektimit se si duhet të vazhdojmë dhe mënyrën se si duhet të bashkohemi që të realizojmë atë fuzion që dëshmuam në protestë. Konsideratat për numrat dhe përmbajtjen janë subjektive. Për tezën që protestat nuk sjellin produktivitet, mendoj që është e kundërta”, përfundoi nënkryetari i PD./CNA.al

Lajmet e fundit nga