web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Basha po merr vulën e PD-së

1 Dhjetor 2022, 13:14, Politikë CNA

Ekskluzive/ Basha po merr vulën e PD-së

Ish-kreu demokrat i dorëhequr, Lulzim Basha, duket se ka marrë sinjale të forta që Gjykata do t’ia japë atij vulën e Partisë Demokratike.

Gjyqi pritet të zhvillohet në ditën e ardhshme, Luli duket i favorizuar tashmë pas dy seancave të shtyra, thjeshtë dhe vetëm për mospjesëmarrjen e tij dhe përfaqësuesve të tij në Gjykatë.

Në qarqet mediatike prej disa ditësh qarkullon thashethemi se Lulzim Basha do të marrë vulën e PD-së, kjo sipas burimeve që vijnë edhe nga Luli, edhe nga Partia Demokratike e drejtuar nga Sali Berisha.

Në korridoret e PD-së flasin se ka një problem të madh në lidhje me vulën, ndaj dhe protesta duhet të jetë sa më e fuqishme dhe me dy mesazhe.

Së pari, për t’i treguar Europës problematikën e Shqipërisë dhe së dyti që të mos ketë gjykatës në botë që të tentojë, që vulën zyrtare të Partisë Demokratike, t’ia marrë Berishës dhe të tijve e t’ia japë Lulzim bashës.

Në PD të gjithë tashmë flasin për këtë dhe duket se palët e kanë të konfirmuar.

Burime pranë Bashës bëjnë me dije se diçka është zgjidhur, ka më shumë shpresë që do ta marrë Luli vulën, në korridoret e PD-së përflitet e njëjta gjë, në qarqet mediatike qarkullon i njëjti thashethem.

Duket se Luli po bën gjithçka që të marrë vulën. Në fakt vula nuk është në dorën e Lulit, për ata, të cilët marrin vesh nga politika dhe që e lexojnë atë, vula është në dorë të tjetërkujt.

Në duart e diplomatëve që janë në Tiranë, të cilët kurrsesi nuk do të pranonin që Gjykata t’i kthente vulën Berishës të shpallur “non grata”, prandaj dhe situata është kritike sepse me sa duket Lulzim Bashës i ngelet vula në dorë, sepse s’kanë kujt t’ia japin dhe kurrsesi nuk mund të pranojnë që opozitën ta ketë zyrtarisht Sali Berisha.

Gjithsesi, kanë ngelur edhe pak ditë për të parë vendimin final të Gjykatës, të gjitha gjasat janë që Lulzim Basha të marrë vulën dhe për të shkuar opozita në një tjetër përplasje të brendshme të saj në prag të “Primareve” që po zhvillon për zgjedhjet e kandidatëve për kryetarë bashkie, për lokalet e majit të vitit të ardhshëm.





Lajmet e fundit nga