web counter
LEXO PA REKLAMA!

SHKARKO APP

App Store
Google Play

Alimehmeti “kunja” Veliajt/ “Tirana po ndërtohet me para të pista”

30 Nëntor 2022, 17:13, Politikë CNA
Alimehmeti “kunja” Veliajt/ “Tirana po ndërtohet me para
Ilir Alimehmeti

Kandidati për primaret e PD, Ilir Alimehmeti, deklaroi se në Tiranë po bëhen ndërtime me para të pista, duke shigjetuar kështu kryebashkiakun Erion Veliaj.

Alimehmeti theksoi mungesën e një inventari të apartamenteve të pashitura dhe ngriti shqetësimin e densitetit të lartë të ndërtimit që ka krijuar një sërë problematikash në Tiranë.

Kandidati i primareve pohoi se duhet të jenë  referendumet  ato qe do të vendosin nëse do të ndërtohet në një zonë të caktuar ose jo.

“Ndërtimet në kryeqytet janë bërë pa asnjë lloj kriteri, duke mbytur çdo lloj hapësire. Qytetin e bëjnë njerëzit dhe në funksion të njerëzve vendosen ndërtime të veçanta. Tirana në 2018-ën ka pasur 10 mijë banorë për km2 . Çfarë ndodh nga kjo dendësi? S’ka hapësira për askënd, të ndodh trafiku, ndotja e ajrit, ndotja e ujit, problem i menaxhimit të mbeturinave. Në këtë dendësi të madhe banorësh vazhdojnë të ndërtohet. Në tremujorin e parë të këtij viti janë dhënë 339 leje ndërtimi, në tremujorin e dytë 337 leje ndërtimi. Janë 100-150 leje ndërtimi në muaj, 3-4 leje ndërtimi në ditë. Këtë dendësi po e bëjmë aq të fortë dhe e vuajmë në jetën e përditshëm.

Te kapitali njerëzor duhet të mbështetemi. Shërbimet dhe gjithçka që bën bashkia është për njerëzit, jo për ndërtesat dhe betonit. Jeta e njerëzve po ndikohet direkt. Çohuni në mëngjes, po të gjeni një person të qeshur bëjini një foto se është gjë e rrallë. Që kur dalim nga shtëpia ndeshemi me trotuare mikroskopike, me makina të bllokuara, për të çuar fëmijët në shkolla që i ke larg, sepse nuk ke shkolla afër. Nuk ka më njerëz të lumtur në Tiranë, sepse s’është menduar për njerëzit”, tha Alimehmeti./ CNA.al





Lajmet e fundit nga