web counter
LEXO PA REKLAMA!

SHKARKO APP

App Store
Google Play

Nard Ndoka tregon arsyen/ Pse 6 dhjetori është data më e përshtatshme për të protestuar

29 Nëntor 2022, 18:22, Politikë CNA
Nard Ndoka tregon arsyen/ Pse 6 dhjetori është data më e
Kreu i Partisë Demokristiane, Nard Ndoka

Kreu i Partisë Demokristiane, Nard Ndoka ka treguar arsyen se përse 6 dhjetori, dita kur në Tiranë do të mbahet Samiti BE-Ballkani Perëndimor, është e përshtatshme për të protestuar.

Në një prononcim për CNA.al, Ndoka tha se më 6 dhjetor e gjithë bota do t’i ketë sytë nga Shqipëria, ndaj dhe sipas tij është momenti i duhur për të treguar synimin e opozitës dhe të metat e Qeverisë.

Ai theksoi se të gjithë liderët europianë, që do të jenë në Tiranë, janë rritur politikisht në protesta të ngjashme në vendet e tyre.

“Data 6 dhjetor është data më e përshtatshme për të protestuar, vëmendja e gjithë botës do të jetë në Tiranë. Do tregohet qytetari, përgjegjshmëri politike dhe përgjegjësi kombëtare. Opozita do t’i tregojë botës, se është kundra kësaj qeverie, që po i detyron qytetarët të braktisin vendin, se është kundra korrupsionit edhe për Portin e Durrësit, ku BE anuloi financimin për mungesë transparence. Se është kundër “Open Ballkan”, ku PE miratoi një rezolutë kundër tij. Protesta është një e drejtë kushtetuese, e drejtë mbi çdo të drejtë tjetër. Të gjithë liderët europianë, që do të jenë në Tiranë, janë rritur politikisht në protesta të ngjashme në vendet e tyre. Protesta është pro-Shqipërisë dhe standardeteve demokratike!”, nënvizoi kreu i PDK-së./ B.A. – CNA.al





Lajmet e fundit nga