web counter
LEXO PA REKLAMA!

SHKARKO APP

"Nuk biseduam me aleatët"/ Luçiano Boçi zbulon skenarin e protestës së 6 dhjetorit

29 Nëntor 2022, 15:15, Politikë CNA

"Nuk biseduam me aleatët"/ Luçiano Boçi zbulon

PD nuk ka biseduar me aleatët për protestën e 6 dhjetorit.

Kështu është shprehur deputeti i PD-së, Luçiano Boçi.

Në një intervistë për "Euronews Albania", Boçi u shpreh se për një protestë që do të zhvillohet për problemet e qytetarëve, nuk është e nevojshme të bëhet konsultim për datën apo formën se si do të bëhet.

“Nuk ka mungesë. Ka një sinqeritet komunikues në këtë rast. Kur akuzohesh për organizim politik, atëherë fillon bën marrëveshje me aleatët, thërret aleatët. Kur konsideron që protesta është qytetare, ti bën thirrjet si forcë politike dhe konsiderohet si një forcë opozitare. Nuk di që ka konsultime për datën dhe për formatin e protestës. Në këtë rast, besoj se mjafton vërtetësia që unë përcjell. Kur thirrja është për qytetarët, çdo reagim, nuk do të thotë që do të jetë brenda kostumit politik”, ka thënë ai.

Sipas tij, në momentin që ti ke arsye si qytetar për thirrjen dhe qënien në protestë, nuk ka asnjë lloj pengese marrëveshjeje, formalizimi, pasi është deklaruar, se është stinë protestash.

“Ne nuk kemi pretenduar që të hyjmë në perimetrin e sigurisë, është një përgjigje paksa hileqare, ndërton këtë lloj imazhi sikur ne duam të hyjmë në perimetrin e sigurisë. Kemi kërkuar protestë në bulevard. Perimetri i sigurisë vendoset edhe nga reagimi qytetar, nuk mund të bëhet fakt i kryer”, theksoi ai./CNA.al

 





Lajmet e fundit nga