LEXO PA REKLAMA!

SHKARKO APP

E fundit!

x

Rama, me fjalë të mëdha/ “Së shpejti do të njihet edhe Kosova në BE”

27 Nëntor 2022, 12:19, Politikë CNA

Rama, me fjalë të mëdha/ “Së shpejti do të njihet

Gjatë seancës së përbashkët të mbajtur mes deputetëve të Kosovës dhe Shqipërisë, Kryeministri Edi Rama tha se shqiptarët ishin sot më mirë se kurrë në raport me të huaj.

Ndërkohë, Rama theksoi se në raport me vetveten nuk janë aq mirë sa duhet.

Rama u shpreh se nuk kishte menduar se në këtë 110-vjetor, gjuha shqipe do të ishte zyrtare edhe në Maqedoninë e Veriut dhe se kryeministri i Malit të Zi do të ishte shqiptar.

“Më lejoni të ndaj me ju bindjen se shqiptarët nuk kanë qenë kurrë më mirë në raport me të huajt. Por përsëri edhe sot nuk besoj se shqiptarët janë më mirë në raport me vetveten. Unë besoj se edhe njohja përfundimtare e Kosovës do vijë më herët dhe se Kosova nuk do presë aq sa ka pritur pavarësinë për t’u njohur ndërkombëtarisht. Nga ana tjetër akoma më e prekshme dhe më mbresëlënëse është pamja në Maqedoninë e Veriut. Shumë më vonë pas lirisë së Kosovës, ishte vendi ku gjuha shqipe vazhdonte të shihej si gjuha e një pale të padëshirueshme, vendi ku flamuri shqiptar vazhdonte të shihej si një provokim. Sot nuk besoj se janë të shumtë ata që mund të thonë ata që e dinin se në 110-vjetorin e pavarësisë, Maqedonia e Veriut do kishte shqipen gjuhë zyrtare dhe kryeparlamentarin shqiptar. Po ashtu nuk besoj se e ka menduar dikush më parë se Mali i Zi mund të kishte një kryeministër shqiptar siç e ka sot’- u shpreh Rama./CNA.al

Lajmet e fundit nga