LEXO PA REKLAMA!

SHKARKO APP

Pse u largua nga Kuvendi?/ Përgjigjet Berisha

27 Nëntor 2022, 12:13, Politikë CNA

Pse u largua nga Kuvendi?/ Përgjigjet Berisha

Kreu i PD-së, Sali Berisha, është larguar nga Kuvendi, ku po mbahej mbledhja mes deputetëve të Kosovës dhe Shqipërisë, në kohën që ka marrë fjalën kryeministri Edi Rama.

Jashtë ambienteve të Kuvendit, ai ka sqaruar se përse u largua.

“Fakti që u largova nga parlamenti, u largova për të përfaqësuar kombin shqiptar, të gjithë qytetarët e Kosovës që ndihen të tradhtuar nga një kryeministër shqiptar, u largova për të përfaqësuar ndjenjat e dhjetëra-mijëra familjeve shqiptare që kanë humbur familjet e tyre nga barbaritë serbe, dhe Edi Rama prej katër muajsh, nuk lejon votimin e rezolutës për dënimin e gjenocidit serb në Kosovë.

U largova për të përfaqësuar ata dhjetëra-mijëra shqiptarë që u larguan nga Shqipëria prej politikave çnjerëzore të Edi Ramës.

Të gjitha këto janë arsyet që nuk mund të pranoja të dëgjoja ligjëratën e një njeriu, që pas Enver Hoxhës është armiku më i egër i kombit shqiptar”./CNA.al

Lajmet e fundit nga