LEXO PA REKLAMA!

SHKARKO APP

App Store
Google Play

Dokumenti-Protesta e opozitës/ Veliaj sugjeron sheshin "Skënderbej"

27 Nëntor 2022, 11:59, Politikë CNA

Dokumenti-Protesta e opozitës/ Veliaj sugjeron sheshin

Në ditën që do të mbahet Samiti i BE-së, në Tiranë, opozita ka paralajmëruar se do të mbajë një protestë.

Policia ka refuzuar kërkesën e PD-së, për mbajtjen e protestës, për shkak të perimetrit të sigurisë, por nga ana tjetër Bashkia e Tiranë, kreu i saj kanë ofruar një zgjidhje.

Kryebashkiaku Erion Veliaj, me datë 25.11.2022  i ka nisur një shkresë zyrtare Ervin Minarollit në PD, ku i sugjeron që të protestojnë në sheshin “Skënderbej”.

“Bashkia Tiranë, si njësi e vetëqeverisjes vendore, në territorin e së cilës do organizohet samiti i Bashkimit Evropian për Ballkanin Perëndimor është e angazhuar me organizimin e këtij Samiti, sipas fushës së funksioneve që ajo mbulon.

Për sa më sipër, Bashkia Tiranë e ka të pamundur t'iu pajisë me një leje për zënien e hapësirës publike për zhvillimin e tubimit që ju kërkoni të zhvilloni në Bulevardin "Dëshmorët e Kombit".

Duke qenë se për shkak të zhvillimit të samitit të Bashkimit Evropian në qytetin e Tiranës, pjesa më e madhe e rrugëve në qytet do jenë në funksion të mbarëvajtjes së këtij samiti, duke mos cënuar të drejtën tuaj për tubime, ju propozojmë zhvillimin e tij pranë Sheshit 'Skënderbej'.

Për sa me sipër, nëse jeni dakord me këtë propozim, na bëni sa me shpejt me dije, që Bashkia Tiranë të vijojë me lëshimin e lejes përkatëse për zhvillimin e këtij tubimi”, thuhet në shkresën që mban firmën e Erion Veliajt./CNA.al

Dokumenti-Protesta e opozitës/ Veliaj sugjeron sheshin

Lajmet e fundit nga