web counter
LEXO PA REKLAMA!

SHKARKO APP

App Store
Google Play

E fundit!

x

Hajdarmataj shpërndan deklaratën e Berishës/ “Me 6 dhjetor një protestë që nuk është parë ndonjëherë”

27 Nëntor 2022, 09:09, Politikë CNA

 

Hajdarmataj shpërndan deklaratën e Berishës/ “Me 6 dhjetor

Policia ka refuzuar kërkesën e PD-së, për protestën e 6 dhjetorit.

Reagimi ka qenë i menjëhershëm nga kreu i PD-së, Sali Berisha, i cili ka thënë se nuk do të tërhiqen nga protesta.

I njëjti ka gjetur mbështetje dhe është shpërndarë edhe nga kandidatja e Primareve për Tropojën ish-deputetja, Mimoza Hajdarmataj.

Kjo e fundit, ka shpërndarë në rrjete sociale deklaratën e Berishës, në të cilën thuhet se me datë 6 ora 12.00 do vërshojmë në shesh, refuzimi i policisë është i paqenë dhe tregon fytyrën e vërtetë të këtij regjimi që është i tmerruar nga populli opozitar që do të mbushë sheshin më datën 6 dhjetor, në orën 12:00.

“Në këtë datë do vërshojnë të gjithë ata që ëndrrën evropiane e kanë më të çmuarën për të ardhmen e tyre.

Në datën 6 do të vërshojnë të gjithë ata që shohin vlerat evropiane si më të çmuarat.

Do jetë një protestë që nuk është parë ndonjëherë.

Do jetë një protestë ku do buçasë në çdo anë thirrja

"E duam Shqipërinë si gjithë Europa".

Thirrja: "Edi Rama dhe narkoshteti nuk përfaqësojnë Shqipërinë", "Edi Rama dhunues kryesor i votës së lirë në Europë pas Lukashenkos", "Edi Rama, një vasal i verbër i Vuçiçit dhe avokat mjeran i Rusisë së Vogël dhe Putinit".

Kemi kaq motive për të qenë në shesh duke garantuar sigurinë e plotë të miqve tanë, të cilët i përshëndesim dhe e konsiderojmë nderim të madh për kombin shqiptar.

Edi Rama nuk përfaqëson votën e lirë, ai përfaqëson narkoshtetin dhe gjithçka që e shndërroi këtë popull në popullin e gomoneve.

Kështu që ne duhet të jemi aty, të gjithë së bashku, dhe do jemi”, thuhet më tej në deklaratë./CNA.al





Lajmet e fundit nga