web counter
LEXO PA REKLAMA!

SHKARKO APP

App Store
Google Play

E fundit!

x

Pse duhet protestuar tek shtëpia e Lulit, Alibeajt dhe kandidatëve të tyre?

28 Nëntor 2022, 19:12, Politikë CNA
Pse duhet protestuar tek shtëpia e Lulit, Alibeajt dhe kandidatëve
Fotomontazh, Lulzim Basha, Enkelejd Alibeaj dhe Gazment Bardhi

Partia Demokratike ka shpallur "Primaret", të cilat janë lexuar thjesht dhe vetëm si verdikt i votës. Çdo kontestim apo pakënaqësi do të shihet pas zhvillimit të procesit, por "Primaret" janë një proces vote.

Këtu u nda dhe Basha në ato gjoja “negociata” që bëri me përfaqësuesit e Berishës.

U tha se kërkonin një kandidat të vetëm por ajo që ndodhi ishte se, Luli dhe të tijët u tërhoqën nga negociatat duke kërkuar që Partia Demokratike të mos kishte kandidat vetëm nga "Primaret" pra me votim të drejtëpërdrejtë por duke përfshirë edhe sondazhet e të tjera si këto.

Negociatat dështuan. Lulzim Basha vazhdon presionin e tij në qytete delikate ku opozita ka shansin të fitojë, Luli fillon dhe shpall kandidatët duke përdorur Alibeajn, që e ka komanduar kryetar, por nga ana tjetër edhe inatçinjtë e vegjël, kandidatë që pretendojnë se mund të fitojnë.

Pse duhet protestuar tek shtëpia e Lulit, Alibeajt dhe kandidatëve
Fotomontazh, Lulzim Basha dhe Enkelejd Alibeaj

Në 6 Mars kishin një iluzion se mund të fitonin dhe Berisha ishte i mbaruar me Ilir Metën. Në fakt doktori shkoi, dhe fitoi në Shkodër dhe në të gjitha bashkitë e tjera. Basha doli i treti. Një mesazh i qartë i demokratëve. Tani me veprimet që po bën Luli me tentativën për të marrë vulën, ama me lojërat e tij me kandidatë të emëruar për t’i shërbyer Ramës do të jetë më keq akoma, pasi kandidatët e tij do dalin të katërtët, ndoshta edhe më pak se kandidatët e pavarur që mund të dalin tek tuk apo diku mund të kenë më pak vota se votat e pavlefshme.

Kurse Basha nuk po ndalet po ecën përpara.

A thua se Basha nuk i di këto, por i di patjetër, kjo nuk ka më diskutim por shërbimi që ai po bën për të shaktërruar Partinë Demokratike apo për të rrëmbyer vulëmn e saj për interesa krejtësisht personale klienteliste dhe korrputive, nuk po ndalet.

Partia Demokratike e Berishës dhe demokratët e kanë një zgjidhje, një zgjidhje të thjeshtë dhe të vetme.

Përveçse të protestojnë kundër Edi Ramës, përveçse të protestojnë kundër Qeverisë me 6 dhjetor apo më tej, gjatë fushatës duhet të protestojnë edhe kundër Lulit, aleatit të Ramës dhe kandidatëve të tij.

Demokratët dhe Berisha duhet të shkojnë të protestojnë në shtëpinë e Lulzim Bashës, duhet të protetsojnë në shtëpinë e Enkelejd Alibeajt, ditë pas dite, orë pas ore, 200 vetë këtu e 200 vetë atje.

Të protestohet kudo ku del Alibeaj, kudo ku del Gazment Bardhi, kudo ku del Lulzim Basha, kudo ku del Jorida Tabaku, në shtëpinë e saj, kudo ka kandidatë të emëruar nga Luli, në shtëpitë e tyre. Atje në Lezhë pretendohet se opozita mund të fitojë ndërkohë që po përçahet vota nga një kandidat i emëruar nga Alibeaj, t’i protestohet kandidatit në shtëpi.

Pse duhet protestuar tek shtëpia e Lulit, Alibeajt dhe kandidatëve
Fotomontazh, Lulzim Basha, Gazment Bardhi dhe Enkelejd Alibeaj

Po tentohet të nxirret kandidat në Malllakastër, të protestohet në shtëpinë e kandidatit të Mallakastrës dhe t’i nxirren të gjitha dokumentat për paratë e marra nga Edi Rama për të kryer këtë shërbim.

Ky do të ishte misioni më i mirë që do të bënin demokratët për të treguar jo thjeshtë dhe vetëm se janë kundër Lulzim Bashës, se ky i fundit po i shërben Edi Ramës, se kandidatët e tij janë pazar, por thjeshtë dhe vetëm që të mos vidhet e abuzohet me logon e tyre, e cila ka një shumicë të përcaktuar qartazi dhe të provuar edhe në 6 mars, edhe me zgjedhje brenda partisë.

Luli dhe të tijët janë vetëm një pakicë.

Në rast se duan të ikin nga PD-ja, mund të shkojnë ku të duan, të bëjnë partinë e tyre, të nxjerrin logon dhe vulën e tyre, të garojnë, të dalin të tretët apo të katërt, t’i shërbejnë Ramës si të duan, ajo është puna e tyre, është zgjedhja e tyre, sepse janë me një logo, me një sigël tjetër.

Por nuk mund të bëhen hajdutët e logos së PD-së, hajdutët e vulës së saj dhe ta përdorin për të shkatërruar vetë Partinë Demokratike dhe për të sulmuar vetë demokratët. Do të duhet që vetë demokratët t’ju shkojnë kudo ku i gjejnë, të protestojnë para tyre, ashtu siç protestojnë kundër Ramës./ CNA.al

 





Lajmet e fundit nga