E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Basha si Don Kishoti, gënjeu edhe veten

8 Prill 2022, 08:32, Kronika CNA

Lulzim Basha, i cili ka vetëm karrigen e deputetit, jo shumë larg por para një viti, shikonte ëndrra me kryeministër.

Në mos për t?u bërë kryeministër, të lulëzonte të ardhurat e tij dhe të familjes së tij, ashtu siç ka bërë në fakt gjatë kohës që ishte në krye të Partisë Demokratike.

Herë herë pas herë imitonte Ramën, atë me të cilin kishte nënshkruar marrëveshje dhe impostohej në rolin e kryeministrit.

Një vit më parë, në prag të zgjedhjeve parlamentare, Basha deklaronte lart e poshtë se Edi Rama do të ikë me 25 Prill.

Do të ikë por se si do të ikë, as vetë Basha nuk e dinte.

Gënjeshtrën e kishte kthyer në profesion të dytë deri në atë pikë sa gënjente edhe veten publikisht, ndaj demokratët se kishte për gjë ti gënjente.

Me 8 Prill 2021, Lulzim Basha, në një emision televiziv, deklaroi se Edi Rama do të largohej masivisht me 25 prill, ndërsa ai me marrjen e pushtetit me marrjen e përgjegjësive të Kryeministrit garantonte se as pandeminë dhe as vaksinat nuk do t?i përdorë për fushatë.

?Njerëzit e kanë kuptuar, nuk mund t?i bësh njerëzit për budallenj. Njerëzit e kanë kuptuar që këta, kemi ardhur në këtë pikë sepse ky kryeministër nuk e ka pasur për asnjë sekond seriozisht luftën kundër Covid-it.

Cili është problemi? Në këtë mënyrë po fshihen kursimet e atyre që kanë pasur kursime ndërsa shumica e familjeve që po i kurojnë njerëzit e tyre në shtëpi po zhyten në borxhe.

Dhe programi ynë për fat të keq, në këto kushte duhet t?i japë përgjigje dhe këtij problemi.

Dhe atyre duhet t?ia them sot që më 25 Prill vota për ndryshim do të thotë votë për një qeveri që paratë i buxhetit nuk do ti çojë më, edhe në kohë pandemie, në një grusht njerëzish, por do ti çojë te prioritetet kryesore që janë shëndeti, ekonomia, punësimi dhe dalja nga kriza 8 vjeçare, stanjacioni 8 vjeçar i kësaj qeverie që është edhe problemi kryesor i vendit?, është shprehur Basha me 8 Prill 2021, i ftuar në një emision televiziv.

25 Prilli erdhi, zgjedhjet mbaruan, Lulzim Basha gjatë procesit të numërimit, u shfaq duke thënë se ende s? ishin hapur kutitë e mira, por në kohë rekord gjithçka përfundoi dhe ai firmosi sërish humbjen e radhës.

Demokratët u lanë përsëri në mes të rrugës, Edi Rama, nuk iku, por Basha nisi luftrat dhe betejat, duke mbetur vetë jo vetëm 8 vite në stanjacion, por 12 pasi i dha Ramës mandatin e tretë.

Dhe në këtë pikë filloi sërish me gënjeshtrat, duke shkaktuar kështu reagim të demokratëve, të cilët i treguan vendin dhe sot e kanë zbuar selia e PD, duke i dhënë me vete humbjet dhe dështimet.

Në zyrat e reja nuk ia pengon askush më ëndrrat me kryeministër, apo luftrat dhe betejat si Don Kishoti me armaturën e tij të ndryshkur./CNA.al