web counter
LEXO PA REKLAMA!

SHKARKO APP

App Store
Google Play

Tre ditë në arrati/ Zhdukja misterioze e kryesekretares së Gjykatës

8 Prill 2022, 08:14, Kronika CNA

Një ditë më parë, zhdukja e kryesekretares së Gjykatës së Lezhës, Klaudia Marku bëri shumë zhurmë në media.

Nëna e dy fëmijëve ishte larguar nga banesa pa dhënë asnjë sqarim. Bashkëshorti i saj ishte ai që bëri denoncimin në polici, pasi pas largimit nga banesa të bashkëshortes së tij nuk kishte patur asnjë komunikim me të.

Pas denoncimit policia u vu menjëherë në lëvizje për të gjetur kryesekretaren e Gjykatës së Lezhës, duke marrë në pyetje gjithashtu familajrë e punonjës pranë Gjykatës ku Marku punonte.

Pas 72 orësh është bërë e mundur gjetja e saj, e cila është pikasur nga policia teksa ecte e vetme në rrugë, sipas asaj që raportohet në media.

Mësohet se në deklaratën e saj të dhënë në komisariat është shprehur se është larguar nga banesa për çështje familjare, pas një debati me bashkëshortin e saj dhe nuk e kishte mednuar se çështja do të bëhej e madhe. Ndërkohë që shpjegimi ka qenë se celulari i saj ishte bllokuar dhe nuk ka mundur të kontaktojë familjarët.

?U largova nga banesa për çështje të brendshme familjare. Pata një debat me bashkëshortin dhe prandaj u largova. Nuk e kam menduar se çështja do të bëhet kaq e madhe?, ka thënë Marku, sipas mediave.

Ndërkaq të dhëna të reja kanë dalë në lidhje me zhdukjen e saj misterioze.  Sipas BW 34-vjeçarja kishte 3 ditë që ishte zhdukur nga banesa, ndërkohë që vetëm një ditë më parë bashkëshorti i saj ishte paraqitur në policinë e Lezhës, ku edhe kishte bërë denoncimin për zhdukjen e saj.

Burime policore bëjnë me dije se një tjetër pistë që po hetohet, është edhe ajo e një rrëmbimi të mundshëm për disa dosje që lidhen me çështje pronësie, kjo edhe për shkak të punës që ajo bën si sekretare në Gjykatës e Lezhës. Thuhet se për këto çështje ka pasur konflikte. Aktualisht policia po vijon hetimet për zbardhjen e plotë të rrethanave të ngjarjes./CNA.al





Lajmet e fundit nga