web counter
LEXO PA REKLAMA!

SHKARKO APP

App Store
Google Play

Plagosje dhe baste/ Nën hetim dy persona në Korçë

8 Prill 2022, 10:04, Kronika CNA

Policia në Korçë ka nisur procedimin penal ndaj shtetasit F.A, 49 vjeç, pasi pas gjatë një sherri për motive të dobëta ka goditur me sende të forta shtetasin L.D, 47 vjeç, i cili ka përfunduar në spital.

Policia bën me dije se 47 vjeçari gjendet në spital dhe është jashtë rrezikut për jetën.

?Specialistët për Hetimin e Krimeve në Komisariatin e Policisë Pogradec, filluan procedimin penal për veprën penale ?Plagosja e lehtë me dashje?, për shtetasin F. A., 49 vjeç, banues në Pogradec, pasi mbrëmjen e djeshme në një lokal në lagjen nr. 3, Pogradec, ky shtetas për motive të dobëta, ka goditur me sende të forta në trup shtetasin L. D. 47 vjeç, banues në Pogradec, i cili pasi ka marrë ndihmën e parë në Spitalin e Pogradecit, u transportua në Tiranë për mjekim të specializuar ku ndodhet jashtë rrezikut për jetën?, njofton policia.

Gjithashtu kanë filluar procedimin penal edhe për shtetasin A. A., 52 vjeç, banues në fshatin Dvoran, Korçë, pasi gjatë kontrollit të ushtruar në lokalin e tij, në këtë fshat, iu gjet e sekuestrua në cilësinë e provës materiale një celular i cili dyshohet se shërbente për vendosjen e basteve sportive.

?Specialistët për Hetimin e Krimeve në Komisariatin e Policisë Korçë, në vijim të operacionit policor ?Basti i fundit?, për goditjen e aktivitetit të paligjshëm në fushën e organizimit të kundërligjshëm të lojrave të fatit, filluan procedimin penal në gjendje të lirë për shtetasin A. A., 52 vjeç, banues në fshatin Dvoran, Korçë, pasi gjatë kontrollit të ushtruar në lokalin e tij, në këtë fshat, iu gjet e sekuestrua në cilësinë e provës materiale një celular i cili dyshohet se shërbente për vendosjen e basteve sportive?, thuhet në njoftim./ CNA.al





Lajmet e fundit nga