web counter
LEXO PA REKLAMA!

SHKARKO APP

App Store
Google Play

Rama i ngacmon kujtesën Bashës/ Çfarë ia nxori gjumin Lulit

28 Nëntor 2022, 17:58, Politikë CNA
Rama i ngacmon kujtesën Bashës/ Çfarë ia nxori gjumin
Lulzim Basha

Lulzim Bashës i ka dalë gjumi i pasdites, pasi kryeministri Edi Rama i ngacmoi kujtesën me një mesazh përkujtues për Adem Jasharin, në ditën e lindjes së këtij të fundit, që përkon me Ditën e Flamurit Kombëtar.

Pak pas Ramës, Basha ka bërë një status në rrjete sociale, ku nderon komandantin legjendar të Ushtrisë Çlirimtare të Kosovës.

Ashtu si shumicën e statuseve, edhe këtë radhë, Basha është kujtuar të shkruajë për Jasharin vetëm pas rënies së muzgut.

“Kombi shqiptar bashkohet me 28 Nëntor në festë dhe në nderim të sakrificës shumëshekullore të shqiptarëve për Liri dhe Pavarësi.

28 Nëntori është edhe ditëlindja e komandantit legjendar të Ushtrisë Çlirimtare të Kosovës, Adem Jashari, para sakrificës së të cilit dhe të familjes Jashari përkulemi sot me nderim dhe mirënjohje të thellë kombëtare.

Lavdi përjetë Adem Jasharit!

Lavdi përjetë Dëshmorëve të Kombit!”, deklaron ai.

Ndërkohë, kujtojmë se Basha ka qëndruar larg daljeve në publik dhe nuk ka shkuar në Parlament që nga momenti kur mediat ndërkombëtare raportuan për financimet ruse.

Herë pas herë ai ka bërë ndonjë status në Facebook për festa, përkujtimore dhe në raste ngushëllimesh. Pas pushimeve në Kosovë, ai ka filluar të bëjë turizëm në Shqipëri nëpër panaire dhe ekspozita./ B.A. – CNA.al

Rama i ngacmon kujtesën Bashës/ Çfarë ia nxori gjumin





Lajmet e fundit nga