LEXO PA REKLAMA!

SHKARKO APP

E fundit!

x

"6 dhjetori"/ Meta zbardh bisedën me Berishën

30 Nëntor 2022, 12:15, Politikë CNA
"6 dhjetori"/ Meta zbardh bisedën me Berishën
Ilir Meta

Pak çaste më parë përfundoi takimi i kreut të Partisë së Lirisë, Ilir Meta, me kreun e Partisë Demokratike, Sali Berisha.

Takimi u zhvillua në selinë blu, ku dy krerët e partive qëndruan përreth 1 orë.

Kreu i PL-së shoqërohej nga nënkryetari i partisë, Petrit Vasili.

Pas takimit Meta është shprehur për mediat se dy krerët folën lidhur me organizimin e protestës, ku shprehu se në datën 6 dhjetor qytetarët do të jenë në shesh për të treguar se ky shtet "i kapur" po minon procesin e integrimit europian prej vitesh.

“Jemi për Shqipërinë europiane jo për regjim policor. Në datën 6 përballë përgjegjësit për kapjen e shtetit dhe minimin e procesit të integrimit europian për vite të tëra. Sigurinë e Europës e cenon vetëm mafia që përdor shtetin për ta kthyer shqip në një bazë për të gjitha llojet e trafiqeve”, tha Meta.

Ky takim u mbajt vetëm pak ditë para protestës së paralajmëruar nga kreu i PD-së, Sali Berisha, takim që përkon me samitin e Bashkimit Europian me vendet e rajonit në Tiranë.

Meta ka konfirmuar pak ditë më parë pjesëmarrjen në protestën e 6 dhjetorit, ndërkohë Fatmir Mediu dhe Shpëtim Idrizi kanë deklaruar se nuk do të marrin pjesë në këtë tubim./CNA.al

Lajmet e fundit nga