LEXO PA REKLAMA!

SHKARKO APP

Alimehmeti, i përgatitur për “betejën”/ “Nëse fitoj do të bëj gjithçka ndryshe nga Veliaj”

30 Nëntor 2022, 21:55, Politikë CNA
Alimehmeti, i përgatitur për “betejën”/
Foto ilustruese

Kandidati në Primaret e PD-së, që synon Bashkinë e Tiranës, Ilir Alimehmeti, është shprehur se ka hyrë në garë për të fituar.

“Kam hyrë në garë për të fituar. Nëse nuk fitoj do të mbështes kandidatin fitues për datën 14 maj. Do të vazhdojë angazhimi politik. Po shkojmë me një frymë ekipi përballë së keqes”, tha Alimehmeti.

I ftuar në “Radar” Alimehmeti ka deklaruar se nëse fiton në Primare do të bëjë gjithçka ndryshe nga ajo që po bën kryetari aktual i bashkisë, Erion Veliaj.

“Do bëj të kundërtën totale. Veliajt i mungon transparenca, ndershmëria dhe kuptimi që punohet për qytetarët. Një qytet ndërtohet për qytetarët. Të punosh me njerëzit për njerëzit. Të respektosh të drejtën e votës së njerëzve. Qytetari e ka shumë të qartë se ku i pikon çatia. Do të dilja në nje debat kundrejt Erion Veliajt”, u shpreh Alimehmeti./ CNA.al

Lajmet e fundit nga