LEXO PA REKLAMA!

SHKARKO APP

‘Investimi do bëhet 100% nga Alabbari’/ Elira Kokona: Tipologjitë që garantohen te porti i Durrësit

30 Nëntor 2022, 23:00, Politikë CNA
‘Investimi do bëhet 100% nga Alabbari’/ Elira Kokona:
Zv.Sekretarja e Përgjithshme e Këshillit të Ministrave, Elira Kokona

Zv.Sekretarja e Përgjithshme e Këshillit të Ministrave, Elira Kokona, ka sqaruar marrëveshjen që qeveria shqiptare ka nënshkruar me Mohamed Alabbar për portin e Durrësit.

Kokona tha se kompania “Eagle Hills” është e Alabbar dhe sipas saj, ky i fundit ka zbatuar të gjitha ligjet që parashikon Shqipëria për investitorin strategjik.

“Entitetet futen në një marrëdhënie me njëri-tjetrin, janë dy persona juridikë. Subjekti juridike që do bëjë investimin nuk është Alabbar, do jetë personi juridik që do themelohet në vijim kompania e përbashkët midis shtetit shqiptar dhe kompanisë “Eagle Hills”. Kompania “Eagle Hills” e ka një person juridik i krijuar siç e kërkon ligji për investitorët juridik. Pas kësaj “Eagle Hills” ka një themelues, aksioner, është “North Hill Real Estate” është person juridik i krijuar në Emiratet e Bashkuara i deklaruar me aksione 100% të deklaruara në Emiratet e Bashkuara. Pronari i kompanisë që do bëjë investimin është 100% Alabbari”, u shpreh ajo.

Më tej, Kokona tha në emisionin “Opinion” se investimi është garantuar me 3 tipologji.

“Gjithë vlera e investimit nuk garantohet me kufizim të kapitalit, është garantuar me 3 tipologji. E para, 30% të vlerës që nuk e ndryshojnë asnjëherë, i bllokojnë vetëm për këtë. Marrin detyrimin të mos ndryshojnë kapitalin për secilën fazë. Elementi tjetër i rëndësishëm është paratë e gatshme. Zakonisht kur investimi kryhet subjekti është i detyruar të paguajë, të sjellë 10% të secilës fazë. Quhen para të gatshme dhe kalojnë në kapitalin e shoqërisë Eagle Hills”, theksoi ajo./ B.A. – CNA.al

Lajmet e fundit nga