web counter
LEXO PA REKLAMA!

SHKARKO APP

App Store
Google Play

E fundit!

x

Kreshnik Spahiu: Pse i duhet Berishës protesta e 6 dhjetorit

30 Nëntor 2022, 22:50, Politikë CNA
Kreshnik Spahiu: Pse i duhet Berishës protesta e 6 dhjetorit
Analisti Kreshnik Spahiu

Analisti Kreshnik Spahiu ka argumentuar mbrëmjen e sotme se përse i duhet kryetarit të Partisë Demokratike, Sali Berisha, protesta e 6 dhjetorit, që do të mbahet në të njëjtën ditë me Samitin BE-Ballkani Perëndimor.

Spahiu tha në emisionin “Now” me Erla Mëhillin se Berishës i duhet kjo protestë për t'u treguar ndërkombëtarëve, se ai është faktori numër dy politik në vend.

“Në një vend të vogël si Shqipëria dhe të parendësishëm në faktorizimin politik, në politikat e mëdha evropiane, mendoj që 3 janë faktorët ndërkombëtarë që ndikojnë në politikbërjen në Shqipëri. Amerika, Britania e Madhe dhe Bashkimi Evropian. Tani, me dy të parët, Partia Demokratike i ka larë duart, sepse ata janë shprehur, të paktën qeveritë të cilat sot janë në pushtet, janë shprehur drejtpërdrejt për qëndrimet.

Partia Demokratike zgjedh që të protestojë në ditën në të cilën vijnë liderët evropianë, për herë të parë së bashku në një ditë, të gjithë në Tiranë. Mendoj që për t’u faktorizuar me faktorin ndërkombëtar, duhet të jesh prezent. Duhet t’i tregosh protagonizëm, njerëz, që je shumicë, që je faktor në vendin tënd. Arsyeja është që Sali Berisha do të thotë që unë jam faktori numër dy politik në Shqipëri dhe forca të cilën unë e drejtoj, pavarësisht nga logo, e ka Lulzimi apo se ka Lulzimi, unë jam faktori numër dy në Shqipëri”, deklaroi analisti./ B.A. – CNA.al





Lajmet e fundit nga