E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Timonieri i PD-së

6 Korrik 2017, 10:53, Aktualitet CNA

Demokratët dolën me një rezultat katastrofik nga zgjedhjet e 25 qershorit. Beteja udhëhiqej nga Lulzim Basha, i cili më shumë se garë me timonierin kundërshtar socialist, zhvilloi një betejë për vendin e dytë dhe për të shtrënguar fort timonin e drejtimit të PD.

Basha në zgjedhjet e fundit nxori rezultatin më katastrofik historik të demokratëve. Në shumë zona, PD është më poshtë se në vitin famëkeq 1997. Megjithëse në atë kohë PD garonte e vetme dhe nuk hynte në gjysmën e Shqipërisë, ndërsa sot kishte në koalicion rreth 30 parti, disa prej tyre me profil të majtë politik.

Rama i dha një marrëveshje në tavolinë Lulzim Bashës, duke i dhënë një shans timonierit të opozitës, që të forcohej dhe të hynte në një garë me të gjitha garancitë e nevojshme dhe ta drejtonte opozitën në një betejë, ku në përfundim gjykimi të ishte rezultati. Por, timonin e siguruar edhe me mbështetjen e Ramës, Basha në vend që ta çonte drejt, t?i qëndronte kauzave dhe parimeve, filloi ta kthente aty ku nuk kishte kthesë dhe ta mbante drejt kur i dilte një kthesë përpara.

Braktisi kauzat e demokratëve, në fushatë nuk dëgjoi askush për drogë, korrupsion, koncesione, hoqi logon dhe simbolet e PD, ndërtoi një listë kandidatësh klienteliste dhe korruptive. Pas marrëveshjes me Ramën u fol se ky i fundit kishte financuar dhe një shumë disa qindra mijëra euro për fushatën dhe imazhin e opozitës.

Të gjitha këto tregojë se Lulzim Basha nuk dinte ta mbante timonin e opozitës, ai ishte i gatshëm t?ia dorëzonte atë Edi Ramës, me apo pa kushte, thjesht dhe vetëm të ishte pjesë e klientelës së pushtetit dhe Rama t?i bënte ndonjë qokë. Jo vetëm tani me disa ministra e drejtorë, por edhe në vazhdim.

Në fushatë Edi Rama kërkonte timonin e qeverisë, Lulzim Basha donte me çdo kusht të mbante timonin e opozitës. Në panik e kthente timonin sa andej-këndej dhe vetëm i shkaktonte aksidente Partisë Demokratike, të cilat u vlerësuan të gjitha më 25 qershor nga shqiptarët. Luli pretendon se shqiptarët janë shitur dhe janë blerë a thua se janë mall pazari, ndërkohë ai vetë dhe PD gjatë fushatës nuk nxorën asnjëherë asnjë fakt dhe provë. Të vetmet akuza erdhën nga LSI dhe mediat, por dhe ato janë shumë pak për të përmbysur një diferencë, ku PS e vetme ka rreth 770 mijë vota dhe PD bashkë me aleatët ka rreth 450 mijë vota. E në rast se do të bënim llogaritë me koalicionet si në vitin 2013 diferenca shkon gati 550 mijë vota.

Timonieri i PD, i ngelur i vetëm pa asnjë mbështetje në bazë, i trembur dhe llahtarisur nga pasojat që i kishte dhënë PD, vetëngrihet për të mbajtur vulën, logon dhe simbolet që i zhduku për gati katër muaj. Njeriu që firmosi marrëveshjen me Edi Ramën dhe tradhtoi demokratët në betejë, duke e ditur se në çdo garë të drejtë dhe të ndershme ai humbte, kalon në strategjinë e sulmit dhe përçarjes së Partisë Demokratike. Atij nuk i intereson PD, demokratët, por thjesht vula e saj. Atij nuk i intereson nëse rrudhet PD në 200 apo 400 mijë vota, atij i intereson vula e PD. Luli do timonin e PD, ashtu siç donte Rama timonin e qeverisë. E ndërkohë, i pari me njëmijë e një zullume, me mbështetjen e Lulit bëhet kryeministër, ky i fundit që të mbajë timonin e opozitës po ndodh për herë të parë në Shqipëri, po mbështetet dhe nga kryeministri i vendit.

Pasi vdiq Republika e Re, timonieri i opozitës mbështetur nga kryeministri kërkon të shfajësohet, po bën rolin e viktimës. Nga ana tjetër, nxit sharje, fyerje dhe kërcënime, rrethohet nga banditë dhe kriminelë, krijon struktura paralele për të siguruar drejtimin e PD.

Fatkeqësisht PD po shkon drejt një përplasjeje dhe përçarjeje përfundimtare, e cila me shumë gjasa do të ketë edhe më shumë pasoja se në zgjedhjet e fundit të vitit 2017, por për timonierin nuk ka rëndësi asgjë, ai po bën ?autokritikë? me demokratët, ndërkohë që nga pas iu fut një thikë në shpinë me përçarje dhe përplasje, duke bllokuar çdo rrugë për zgjedhje dhe standarde brenda Partisë Demokratike. Në finale do të shohim një Lul të trembur që fiton, por lind pyetja ?Mbi kë??. Ai thjesht dhe në fakt nuk ka asnjë interes, që PD të ketë garë dhe të jetë e bashkuar, mjafton të jetë më tej kryetar i saj me shpresën se ai mund ta ringrejë opozitën.

Timonieri tani ka dalë në fushatë dhe do të marrë përgjegjësitë për vendimmarrjen. Edhe e çoi PD në katastrofë, edhe e përplasi gjithandej, dhe tani i dehur do të marrë sërish të drejtën për vendimmarrje.

A mund të ngrihet opozita nga ortaku i kryeministrit dhe ai që tradhtoi demokratët dhe kauzat e tyre për timonin e partisë?!/CityNews