E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Nis Vettingu për gjyqtarët dhe prokurorët/Kontroll radikal pasurive

6 Korrik 2017, 08:29, Aktualitet CNA

Avokati Spartak Ngjela ka paralajmëruar të gjithë gjyqtarët dhe prokurorët për nisjen e procesit të Vettingut.

Në një reagim në rrjetet sociale, Ngjela shkruan se ka filluar kontrolli i gjyqtarëve dhe prokurorëve nga specialistë shqiptarë dhe të huaj.

Më tej, avokati sqaron se ndaj tyre po kryhet një kontroll profesional i imët dhe radikal në lidhje me pasurinë, duke shpjeguar gjithashtu dhe rendin se si do të kontrollohen.

Ja reagimi i plotë:

Filloi kontrolli i gjytarëve dhe prokurorëve.
Ka katër ditë që specialistë shqiptarë dhe të huaj kanë filluar me intesitet punën për kontrollin e pasurisë së tyre.
l.
Ka katër ditë që ka nisur puna për kontrollin e pasurisë së gjyqtarëve dhe prokurorëve.
Një kontroll profesional i imët dhe radikal ka filluar kundrejt tyre, dhe me intesitetet të lartë në lidhje me pasurinë.
Këta do të kontrollohen sipas këtij rendi:
Kur e ka mbaruar shkollën e lartë gjyqtari dhe prokurori;
Kur janë martuar;
Sa pasuri ka pasur gjyqtari dhe prokurori në ditën që ka filluar punën si gjyqtar ose si prokuror.
Çfarë pasurie ka pasur çifti ditën e martesës.
Çfarë pasurie kanë këta tani;
Çfarë pasurie kanë pasur njerëzit e afërt që janë fis me gjyqtarin dhe prokurorin përpara se këta të jenë bërë gjyqtarë apo prokurorë;
Çfarë pasurie kanë sot të afërmit e gjyqtarit dhe të prokurorit.
Gjithçka do të ecë me një metodë të lartë profesionale dhe shumë shpejt shqiptarët do të shohin rezultatet e para.
Kjo tregon se Reforma filloi implementimin e saj. Asnjë nuk do të shpëtojë nga kontrolli i imët profesional; dhe kjo sigurisht që është një fitore e madhe e shqiptarëve në luftën e tyre për dinjitet kombëtar dhe për dinjitet individual.
Historia jonë e degraduar nga korrupsioni filloi të flasë sipas ligjit, më në fund, dhe asnjë i korruptuar nuk do të mund të shpëtojë.
ll.
Menjëherë pas kontrollit të gjyqtarëve dhe të prokurorëve do të nisë puna për kontrollin e politikanëve të rangjeve të larta që kanë alternuar pushtetet me gjyqtarët për mosndëshkim.
Gjithçka tani erdhi në fund: shqiptarët do të fillojnë të shpresojnë realisht për jetën e re. Kurse zvarritja që i bëri kësaj çështjeje grupi i Berishës sigurisht që do të konsiderohet si një turp historik.
Zbatimi i kushtetutës dhe ligjeve të Reformës, nuk kanë më asnjë pengesë. Dhe gjithçka do të jetë transparente dhe e gjykuar me drejtësi./CityNews