web counter
LEXO PA REKLAMA!

SHKARKO APP

App Store
Google Play

E fundit!

x

Ndodh hataja në Parlament/Deputetët dhe gazetarët rrihen barbarisht

6 Korrik 2017, 06:40, Aktualitet CNA

Një ngjarje horror është shënuar në Parlamentin e Venezuelës, teksa vendi është përfshirë nga një krizë e thellë ekonomike dhe politike.

Qindra mbështetës të qeverisë kanë hyrë me dhunë në Parlamentin e Venezuelës që kontrollohet nga opozita, duke sulmuar disa deputetë e gazetarë. Dhuna shpërtheu pas sesionit të Asamblesë Kombëtare që shënoi ditën e pavarësisë së vendit. Agresorët nga radhët e mbështetësve të Presidentit Nikolas Maduro ishin armatosur me mjete rrethanore dhe shpërthyen fishekzjarrë në oborrin e Parlamentit.

Deputetë të opozitës shfaqen të përgjakur dhe gazetarët që u bënë pre e dhunës së protestuesve. Mësohet se turma me protestues ishte mbledhur prej orësh para parlamentit dhe duket se sulmi u krye pas nxitjes së tërthortë që ata morën nga zëvendës presidentit i vendit.

Tareck al Aissami u shfaq në kongres me disa ministra dhe gjatë fjalimit të tij i bëri thirrje protestuesve që të tregonin mbështetjen për presidentin. Madje pak orë para dhunës në parlament, Gjykata Supreme e Venezuelës, e kontrolluar nga Maduro, nisi procedurat për pezullimin e prokurores së përgjithshme Luisa Ortega Diaz, e cila prej kohësh kritikon politikat dhe reformat e presidentit.

Protestat kundër qeverisë vazhdojnë përditë prej muajsh, por Maduro reziston dhe mban pushtetin me forcë, duke fajësuar opozitën dhe armiqtë e jashtëm për kaosin në vend.

Kulmi i tensionit arriti kur një pilot i identifikuar si Oscar Perez, javën e shkuar sulmoi me helikopter ministrinë e brendshme dhe gjykatën e supreme dhe i bëri thirrje popullit të vazhdonte luftën kundër qeverisë./CityNews





Lajmet e fundit nga