LEXO PA REKLAMA!

SHKARKO APP

Në përgjime si porositës vrasjeje?/ Rama kërkon fakte për Taulant Ballën

1 Dhjetor 2022, 13:38, Politikë CNA

Në përgjime si porositës vrasjeje?/ Rama kërkon fakte

Një deklaratë e Ardjan Çapjas në Gjykatë, ku sipas tij një politikani me emrin “Taulant” ka porositur një vrasje dhe ka dalë në përgjime, është bërë ditët e fundit objekt komentesh e diskutimesh në politikë e më gjerë.

Pas mbledhjes së Qeverisë është pyetur edhe kryeministri Edi Rama për këtë çështje.

Sipas Ramës, duhen fakte për të akuzuar dikë, ndërsa theksoi se ai i beson të vërtetës.

“Si mund të ketë një të vërtetë tjetër përveç asaj që bazohet në fakte. Unë u besoj fakteve dhe nuk merrem me llafe. U ruhem shumë gjysmë të vërtetave se ato janë gënjeshtrat më të mëdha. Është detyra e akuzuesve që të sjellin fakte për ata që akuzojnë. Unë besoj që ka shumë gjuhë sot në Shqipëri që punojnë për gënjeshtrën. Unë modestisht i jam vënë në dispozicion së vërtetës. S’ka të vërtetë absolute, por asaj që unë besoj se është e bazuar në fakte”, tha Rama./CNA.al

Lajmet e fundit nga