web counter
LEXO PA REKLAMA!

SHKARKO APP

App Store
Google Play

E fundit!

x

Kush janë zyrtarët e tjerë që grabiti “pastruesja intelektuale”

8 Janar 2023, 17:02, Kronika CNA
Kush janë zyrtarët e tjerë që grabiti “pastruesja
Ish-zyrtarja Alda Klosi dhe paratë e sekuestruara

Policia ka njoftuar se ka arrestuar shtetasen Rozeta Dobi bashkë me djalin e saj, Havier Dobi, në shtëpinë e të cilëve janë gjetur 405 mijë euro.

Sipas të dhënave të policisë, viktimë ka qenë dhe një ish-zyrtare e shtetit, e cila ndodhet në SHBA, për të cilën pretendohet se i ka vjedhur 67.852 mijë euro dhe disa bizhuteri, raporton CNA.al.

Por policia te “pastruesja intelektuale” nuk ka gjetur 67 apo 120 mijë euro siç raportohet në media, por plot 405 mijë euro.

Kujt ia ka vjedhur pastruesja diferencën e shumës? Në cilat shtëpi i ka grabitur apo “marrë” “pastruesja intelektuale” 337 mijë eurot e tjera?

Sipas të dhënave nga policia, janë 6 apo 7 personazhe të tjera, zyrtarë shteti dhe biznesmenë, pasi “pastruesja intelektuale” punonte te VIP-at dhe nuk janë denoncuar këto vjedhje, pasi zyrtarët që janë vjedhur nga pastruesja kanë frikë të shkojnë të polici dhe të bëjnë denoncimin, pasi duhet të japin llogari për të ardhurat.

Pra, nuk janë pak, por 337 mijë euro të tjera, për të cilat policia ende nuk na ka thënë se kush janë zyrtarët që i kanë pasur këto para dhe ua ka vjedhur “pastruesja intelektuale”.

Ditë pas dite pritet që emrat të bëhen publike, pasi pastruesja thuhet se ka folur, pra është zbërthyer se cilat kanë qenë shtëpitë ku pastronte dhe personat ku i ka marrë këto para. Denoncime nga zyrtarë apo persona të tjerë ku punonte pastruesja nuk ka. Dyshohet se këto denoncime mungojnë pasi nuk mund të justifikojnë dot burimin e të ardhurave.

Por deri tani është thënë vetëm emri i Alda Klosit dhe asnjë emër tjetër zyrtari që “pastruesja intelektuale” Rozeta Dobi ka vajtur dhe ka grabitur.

337 mijë eurove ende nuk ju kanë dalë pronarët./ CNA.al





Lajmet e fundit nga