LEXO PA REKLAMA!

SHKARKO APP

E fundit!

x

“Big Brother"-i i kamerave nga Shkodra në Elbasan dhe Korçë

27 Janar 2023, 16:40, Editorial CNA
“Big Brother"-i i kamerave nga Shkodra në Elbasan dhe
Foto ilustruese - Punonjës policie duke çmontuar kamera

Policia prej disa ditësh njofton se janë duke u hequr kamera nga veriu në jug të Shqipërisë, pasi përdoreshin nga biznese, grupe kriminale apo persona të panjohur, në rrugë të qyteteve apo zona të caktuara banimi.

Në Shkodër u tha se ishin në duar të bandave, në Durrës në duar të bandave, edhe në Korçë u tha se ishin në duar të grupeve kriminale.

Në fakt, e gjithë Shqipëria është një “Big Brother” i madh, ku në blloqe pallatesh, zona të banuara, biznese, por edhe individë kanë vendosur kamera dhe kanë të drejtë të shohin këdo që kalon, me kë shoqërohen, e të tjera.

Ky fenomen ka shumë vite që është përhapur në Shqipëri, për më tepër edhe në ndihmën e policisë, së cilës i paskan ardhur sytë tani, pasi inspektorët e policisë në zona as nuk shikonin, as nuk e dinin se kishte kamera?!

Nga ana tjetër, po të shikosh raportet e policisë, apo provat e ndryshme që dërgojnë në gjykata, janë me qindra apo me mijëra raste për ngjarje të caktuara kriminale, të cilat janë zbardhur nga këto kamera. Pra, ato që mbajnë bizneset dhe u shërbenin atyre. Këtu nuk po flasim për propagandën e policisë apo kamerat e krimit, kjo histori e kamerave ka disa pamje.

Së pari, faktin që policia i ka ditur prej vitesh, të gjithë kanë qenë në dijeni që i montonin, por askush nuk ka reaguar, se kush vendoste kamera quhej biznes që i përdorte për të stepur hajdutët apo ishte grup kriminal dhe individë të botës së krimit.

Së dyti, nuk e dinte policia që krimi kishte vendosur kamera kudo?!

Së treti, përpara disa vitesh, PS në atë kohë nëpërmjet ministrit të Brendshëm, Saimir Tahiri, përgatiti një ligj të veçantë për kamerat, të cilat jo vetëm i lejonte, por u kërkonte bizneseve të kishin një cilësi shumë të lartë.

Së fundmi, mund të themi se policia e ka ditur, por nuk ka vepruar. Reagimi i saj është i vonuar dhe më shumë sesa sporadike, operacione të tilla duhet të jenë të vazhdueshme, jo disa të nënës e disa të njerkës, por të përcaktojnë, qartë me ligj, se kujt i lejohet të mbajë kamera dhe si mund të përdoren ato.

Policia ka reaguar me vonesë dhe nuk ka marrë asnjë person nën hetim për këtë çështje. Thotë që kriminelët kishin kamerat, por kamerat ngelen hetime./ CNA.al

Lajmet e fundit nga