web counter
LEXO PA REKLAMA!

SHKARKO APP

App Store
Google Play

E fundit!

x

“Pjesë e grupit të zjarrit me 21 janar”/ Basha tallet rrugëve të Europës duke bërë foto

26 Janar 2023, 11:20, Editorial CNA

“Pjesë e grupit të zjarrit me 21 janar”/ Basha tallet

Provat e reja për 21 janarin implikojnë edhe Lulzim Bashën, ish-Ministër i Brendshëm në vitin 2011, kohë kur ka ndodhur ngjarja.

Provat e reja tregojnë se ka pasur urdhër për të qëlluar direkt mbi trupat e protestuesve.

Kodi është “gati për zjarr”, ndërsa në një moment të dytë në radio flet edhe ish-ministri i Brendshëm, Lulzim Basha.

Ky i fundit rezulton pjesë e grupit të zjarrit, siç del tek audio-regjistrimi, që tashmë është në duar të Prokurorisë së Tiranës.

Ndaj Lulzim Bashës së fundmi janë dorëzuar dy kallëzime penale në SPAK, nga socialistët.

Nga ana tjetër humbësi serial, “tradhtari” dhe "i pabesi”, siç e quajnë demokratët, ende nuk ka dalë me një qëndrim.

Është e njohur procedura që ndjek Lulzim Basha kur përfundon në organin e akuzës, duke iu referuar rasteve të mëparshme kur ai është hetuar.

Lulzim Basha, dyshohet se me veprimet dhe mosveprimet e tij, ka sjellë si pasojë vrasjen e katër protestuesve në 21 Janar, por asnjëherë nuk ka dhënë llogari.

Ndërkohë që duhej të sqaronte pozicionin e tij në lidhje me grupin e zjarrit, ai shfaqet rrugëve të Europës, duke bërë "selfie", korridor më korridor dhe duke u hequr sikur po takon miqtë e tij europianë.

Ai është shfaqur në Këshillin e Europës me një buzëqeshje mashtruese në fytyrë duke folur për Kosovën, e duke u hequr si një diplomat e politikan madh.

“Pjesë e grupit të zjarrit me 21 janar”/ Basha tallet

Ndërkohë që faktet e rrëzojnë, aq sa mos të ngrihet më.

Ai mund të hiqet si politikan, por i dështuar, i mbaruar, që e zhyti thellë e më thellë në humbje Partinë Demokratike, që dhunoi demokratët me tetë janar 2021 dhe nuk i la të hynin në shtëpinë e tyre, në selinë e PD-së dhe më pas u zhduk si burracak, për të bredhur rrugëve të Europës.

Përveçse dështimeve politike, mbi të rëndojnë edhe ngjarje të rënda si ajo e 21 janarit, ku mbetën të vrarë katër persona në bulevard.

Sot, kur ka prova të reja, ku përmendet edhe Lulzim Basha, ai shfaqet duke duke u qeshur, rrugëve të Europës.

Pasi u tall me demokratët, tashmë tallet edhe me viktimat e 21 Janarit./CNA.al





Lajmet e fundit nga