Kush e bëri dhe manipuloi me foton e McGonigal?

2 Shkurt 2023, 16:48, Editorial CNA

Kush e bëri dhe manipuloi me foton e McGonigal?

Charles McGonigal

“Top Channel” ka publikuar dje një material në lidhje me një foto të zyrtarit të PD-së, Enri Ceno, së bashku me ish-partneren e tij, Fjoralba DIzdari,një foto e bërë 5 vite më parë në një nga lokalet e Tiranës, gjatë një feste të një ditëlindjeje familjare, ku rastësisht në të njëjtin ambient janë ndodhur edhe personazhe të tjera.

Duhej kjo foto dhe manipulimi me të që të realizohej qëllimi i Rilindjes, duhej relativizimi i skandalit McGonigal, kalimi i asaj çështjeje, sikur ai ka qenë një individ që është marrë me të gjitha palët, është përzier edhe me opozitën, është përdorur nga opozita, e të tjera si këto.

Foto ilustruese

Në fakt, opozita s’ka pasur as financimet e as mundësitë, për më tepër të rinjtë e fotos nuk kanë qenë as kryetarë bashkie, as ministra, as nuk kanë pasur interesa sikundër ka pasur Taulant Balla, Damian Gjiknuri, kryeministri Rama dhe zyrat e Rilindjes. Këta kanë pasur një qëllim të pastër kundër opozitës dhe tashmë gjithçka është e vërtetuar.

Për të relativizuar çështjen dhe për t’a zbutur tensionin e ngritur në opinionin publik, po përdoren materiale, të cilat po tenojnë të kompromentojnë opozitën me skandalin McGonigal, megjithëse nuk ka asnjë lidhje.

Në fakt në foton ku duket Enri Ceno, aktualisht sekretar në PD dhe anëtar i Këshillit Kombëtar, Fjoralba Dizdari, ish-partnerja e tij, është një shkrepje imazhi e gati 5 viteve më parë në një festë famijare.

Po përpiqen që të thonë se kjo foto në këtë festë familjare lidh McGonigal me Berishën. Nuk ka asnjë të vërtetë sepse në atë kohë ka qenë Lulzim Basha. E dyta as Lulzim Bashën nuk e lidh, por për të zbuluar të vërtetën, CNA.al ka mundur të hyjë në detaje.

Nga burimet tona që kanë qenë të pranishëm në atë ambient, në atë festë familjare, në lokalin ku zhvillohej festa, në një kënd të tij, në pjesën tjetër pas një takimi ka hyrë dhe është ulur Damian Gjiknuri, Taulant Balla, McGonigal dhe Dorian Duçka.

Enri Ceno i kundërpërgjigjet “Top Channel”/ Tregon si qëndron e vërteta e fotos me McGonigal
1 Shkurt, 21:15

Për më tepër foton e ka shkrepur vetë Dorian Duçka pasi McGonigal dhe disa persona të tjerë, përfshirë edhe politikanët, sipas asaj që deklarojnë të dy personazhet në foto, Enri Ceno dhe Fjoralba Dizdari, janë bashkuar në tavolinë në festë, më pas është shkrepur dhe një foto, që dje ka dalë në “Top Channel” dhe është vazhduar më tej në media, me një qëllim të vetëm, relativizimin e çështjes dhe kalimin e çështjes “McGonigal” si një fakt ku një zyrtar i lartë i SHBA-së kishte ardhur në Tiranë dhe i ka takuar të gjitha palët, pra jo vetëm kryeministrin Rama që ka deklaruar që e ka mik dhe zyrtarët e tij të PS-së.

"McGonigal", reagon ashpër anëtarja e Këshillit Kombëtar të PD-së/ Dizdari: Po manipulohet e vërteta
2 Shkurt, 09:08

Një fakt mjafton për t’u theksuar, as Enri Ceno e as Fjoralba Dizdari nuk kanë qenë dhe nuk janë zyrtarë të lartë të shtetit, as nuk kanë fonde, as nuk kanë lobime, as nuk kanë interesa, për më tepër ndoshta nuk kanë as fondet që të ndihmojnë apo të mbështesin opozitën për të lobuar apo të goditur qeverinë. Është qeveria që është kapur e gjallë, është kryeministri, është Damian Gjiknuri, Taulant Balla dhe çdo personazh tjetër i përfshirë në aferën McGonigal.

Foto ilustruese

Të tjerat janë thjeshtë dhe vetëm lëvizje mashtruese, propagandë e shfrenuar e kanaleve të Rilindjes që kërkojnë të ulin sadopak peshën e një proteste të pritshme madhështore në 11 shkurt, por edhe për të bërë një lloj propagande se McGonigal nuk është fytyra thjeshtë dhe vetëm e Rilindjes, përfshirë lidhjen e tij në SHBA, por aty është e përfshirë edhe opozita.Kjo e dyta është kryesisht një gënjeshtër, e para është thjeshtë dhe vetëm e vërteta e gjithçkaje./ CNA.al