E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Të dorëhiqet Rama”/ Harxhi: Skandali me McGonigal, vetëm maja e ajsbergut

26 Janar 2023, 22:38, Politikë CNA

“Të dorëhiqet Rama”/ Harxhi: Skandali me McGonigal,

Anëtarja e Kryesisë së PD, Edith Harxhi

Anëtarja e Kryesisë së PD, Edith Harxhi, kërkon dorëheqjen e kryeministrit Edi Rama, pas skandalit të ish-zytarrit të FBI-së, Charles McGonigal, i cili u arrestua në SHBA.

Me anë të një statusi në rrjetet sociale, Harxhi thotë se Kryeministri e ka futur veten dhe Shqipërinë në një histori shumë të errët spiunazhi ndërkombëtar, thyrje sanksionesh të SHBA, NATO dhe BE, dhe shitje të interesave të shqiptarëve.

Ajo pretendon se këtë kreu i qeverisë e ka bërë për të qëndruar sa më gjatë në pushtet.

Anëtarja e Kryesisë së PD deklaron me siguri se skandali i denoncuar deri më tani është vetëm maja e ajsbergut.

“Edi Rama duhet të dorëhiqet/largohet nga Kryeministër i Shqipërisë. Skandali i fundit me përmasa ndërkombëtare, më në fund ka bërë që KM-ja të dalë zbuluar. Nuk ka asnjë shpëtim për të pasi Kryeministri e ka futur veten dhe Shqipërinë, me dijeninë e disa institucioneve amerikane në një histori shumë të errët, spiunazhi ndërkombëtar, thyrje sanksionesh të SHBA, NATO dhe BE, dhe shitje të interesave të shqiptarëve për të qëndruar sa më gjatë në pushtet. Jam e sigurt kjo është vetëm maja e ajsbergut! Nëse nuk dorëhiqet duhet të hiqet!

Lajmet e fundit nga Washington Post, një nga gazetat kryesore amerikane sygjerojnë se Drejtori i Përgjithshëm i FBI -së Christopher Wray duhet të japë dorëheqjen në lidhje me skandalin e fundit të Mc.Gonigal.

Thirrja jonë për largimin e qeverisë më të korruptuar në Europë nuk duhet të pushojë! #ramadorëhiqu #qeveriekorruptuar

Skandali i fundit i FBI-së duhet të jetë goditja e tretë për Christopher Wray”, shkruan ajo./ B.A. – CNA.al