E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

“Shqipëria është në epiqendër të një stuhie”/ Berisha flet për skandalin "McGonigal” në mbledhjen e grupit

25 Janar 2023, 14:13, Politikë CNA

“Shqipëria është në epiqendër të një

Partia Demokratike ka mbledhur grupin parlamentar.

Kreu i demokratëve, Sali Berisha, e ka nisur mbledhjen me skandalin “McGonigal”, ku thuhet se është i përfshirë edhe kryeministri Edi Rama.

Sipas tij, në 16 faqet e aktakuzës, të paktën 15 i kushtohen fund e krye, Edi Ramës, ish-oficerit të policisë sekrete, bashkëpunëtorit të SHISH, Agron Nezaj, këshilltarit në hije të Edi Ramës, Dorian Duçkës.

“Mblidhemi sot në një ditë kur Shqipëria është në epiqendër të një stuhie, e cila në memorien historike, nuk ka ekzistuar të paktën në 50 vitet e fundit.

Shqipëria, Edi Rama, kreu i ekzekutivit është i përfshirë në mënyrën më të pakontestueshme në një nga aferat më të zeza të kohërave, në një akt që tejkalon çdo normë, çdo standard, çdo ligj, çdo moral, çdo imagjinatë.

De facto, ai ka përdorur si aset të tij, një nga njerëzit më të rëndësishëm të sistemit të sigurisë së SHBA-së, për definicion të botës së lirë, ish-shefin e kundërinteligjencës së FBI-së, një nga njerëzit më të besuar të asaj toke dhe atij vendi, Charles McGonigal.

Me qëndrimin e tij të papërgjegjshëm, Edi Rama përpiqet të hiqet duarjashtë.

Në një kohë kur aktakuza e botuar nga Ministria e Drejtësisë e SHBA-së, në 16 faqet e saj, të paktën 15 i kushtohen fund e krye, Edi Ramës, ish-oficerit të policisë sekrete, bashkëpunëtorit të SHISH, Agron Nezaj, këshilltarit në hije të Edi Ramës, Dorian Duçkës”, tha Berisha./CNA.al