LEXO PA REKLAMA!

SHKARKO APP

App Store
Google Play

E fundit!

x

Skandali me ish-zyrtarin e FBI-së/ Spartak Braho: Rama të japë dorëheqjen

24 Janar 2023, 21:18, Politikë CNA
Skandali me ish-zyrtarin e FBI-së/ Spartak Braho: Rama të japë
Ish-deputeti i PS-së, Spartak Braho

Ish-deputeti i PS-së, Spartak Braho ka kërkuar dorëheqjen e kryeministrit Edi Rama, teksa ka folur për arrestimin e e ish-zyrtarit të lartë të FBI-së, Charles McGonigal dhe lidhjet e tij me kryeministrin Edi Rama.

Braho tha se reagimi i sotëm i Ramës ishte i papërgjegjshëm, pa standarde dhe në shkelje të normave.

Ai deklaroi në një intervistë me Marsela Karapançon se moralisht, kreu i qeverisë duhet të mbajë përgjegjësi politike për akuzat e ngritura.

“Inoçent, i papërgjegjshëm fare me këto deklarata që bën. Kujton se justifikon veten. Sipas logjikës së Ramës, i lejohet të takohet me tërë. Mos harroni se akuzat e prokurorisë amerikane janë shumë të rënda për mikun e tij. Këto akuza u bënë të njohura, ajo që është e panjohur, është lobimi i tij për futjen e kompanive ruse në Shqipëri në tregun e naftës. Thuhet se ka marrë 225 mijë dollarë nga persona që kanë hyrë dhe kanë dalë me Ramën. Nuk është trekëndësh, është shumë e lexueshme. Janë marrëdhënie që diskreditojnë kryeministrin. Ata janë në fillim të hetimeve, se sa është i implikuar kryeministri…

Unë mbaj mend që për lobimin e Bashës me kompaninë ruse, ky e ngriti lart, ky e akuzoi. Tani thotë ç’punë kam unë me atë. Nuk është kështu. Ka shkelur normat. Këtu nuk ka standard fare. Standardi i vetëm i kryeministrit është të jetë qelibar, i pastër. Me këtë rreth akuzash, unë mendoj që Rama duhet të mendohet mirë. Janë të rënda. Ka një moral një kryeqeveritar. Rama duhet ta masë vetë pozitën e tij, normalisht rruga më normale, duhet të jetë t’ia lërë drejtimin një socialisti tjetër. Të dorëhiqet! Duhet t’i hapë rrugë… Këtë gjë ka kërkuar dhe ky nga të tjerët. T’i hapë rrugë një drejtimi të ri në PS.

Të japë dorëheqjen sepse moralisht i ka shkelur të gjitha rregullat e etikës. Në këtë rast mban përgjegjësi politike, morale për këto akuza që ngrihen për persona që i vijnë atij rrotull, siç janë dhe këshilltarët e tij të përzier me ish-zbuluesin e qeverisë amerikane”, theksoi ish-deputeti./ B.A. - CNA.al

Lajmet e fundit nga